ལོ་གསར་སྐབས་སུ། ཀྲི་ལེའི་ལྷོ་དབུས་ཕྱོགས་སུ་ནགས་ཚལ་ལ་མེ་སྐྱོན་ཤོར་བའི་དོན་རྐྱེན་ལྔ་བཅུ་ལྷག་བྱུང་ནས། སྤྱི་ཆིང་ཉིས་ཁྲི་བཞི་སྟོང་ལྷག་གི་ནགས་ཁུལ་མེར་ཤོར་བ་དང་། དམངས་ཀྱི་ཁང་བ་བརྒྱ་ཁྲག་ལྷག་ལ་གཏོར་བརླག་བཟོས་ནས་ཉུང་མཐར་ཡང་མི་གཅིག་རྐྱེན་ལམ་དུ་ཤོར་བ་རེད། མེ་སྐྱོན་གྱི་གནས་ཚུལ་ཚབས་ཆེན་ཡིན་པའི་མེ་ཀྲི་ལུང་དང་པེ་འོ་པེ་འོ། མ་འོ་ལའེ་བཅས་ཀྱི་ཁུལ་གསུམ་ལ་བྲེལ་མྱུར་གྱི་རྣམ་པ་མངོན་ཡོད། པེ་ནེ་རྒྱལ་ཁབ་སྤྱི་གླིང་གི་ནགས་ཁུལ་ཏུ་དབྱི་སི་རལ་གྱི་ལྗོངས་རྒྱུ་བས་མེ་སྤྱད་དེ་མེ་སྐྱོན་བཟོས་བ་དང་། མི་དེ་འཛིན་བཟུང་བྱས་བ་དང་མེ་སྐྱོན་བཟོ་མཁན་གྱི་ཉེས་ཅན་ཡིན་པར་ཞུ་འབོད་བྱས་བ་རེད། ཀྲི་ལེའི་ཙུང་ཐུང་ཕེ་ཉེས་ལ་ཡིས་རྒྱལ་ཚོགས་ལ་ཁྲིམས་གཞི་སྤྲད་ནས། མེ་སྐྱོན་གྱི་འགན་འཁུར་མི་སྣར་ཉེས་ཆོད་གཅོད་པའི་ནུས་ཤུགས་དང་། ནགས་ཚལ་སོགས་ཀྱི་མེ་སྐྱོན་འགོག་པའི་མཐུན་སྦྱོར་ལམ་ལུགས་བསྐྱར་འཛུགས་བྱེད་པར་ཤུགས་བསྐྱེད་དགོས་བའི་རེ་བ་བཏོན་པ་རེད།