ཨེ་ཅིབ་སྲིད་གཞུང་དང་དྲག་ཆས་དམག་དཔུང་ཆེས་མཐོའི་ཨུ་ཡོན་ལྷན་ཁང་གིས་ཚེས་ཉི་ཤུ་ཉིན་སོ་སོར་བདེ་འཇགས་གནས་བབ་ཀྱི་བྲེལ་མྱུར་གྲོས་ཚོགས་བསྡུས་རྗེས་ཁྱབ་སྒྲོག་བྱས་དོན། གྲོས་ཁང་འདེམ་བསྐོ་དུས་ལྟར་སྤེལ་བར་ཁག་ཐེག་བྱེད་རྒྱུ་ཡིན་ཟེར།སྲིད་གཞུང་གིས་གསལ་སྒྲོག་ནང་བཤད་རྒྱུར། མིག་སྔར་གྱི་ཛ་དྲག་གནས་བབ་ནི་མི་ལ་ལས་རྒྱུན་ལྡན་གྱི་འདེམ་བསྐོ་ལ་བར་ཆད་གཏོང་བ་དང་རྒྱལ་ཁབ་ཀྱི་ལས་ཁུངས་གསར་བ་འཛུགས་པར་བར་ཆད་བཟོ་འདོད་པའི་དབང་གིས་བྱུང་བ་ཡིན་ལ། སྲིད་གཞུང་གིས་དྲག་ཆས་དམག་དཔུང་ཆེས་མཐོའི་ཨུ་ཡོན་ལྷན་ཁང་དང་མཉམ་དུ་གནད་འགག་གི་ལོ་རྒྱུས་དུས་སྐབས་སུ་འགན་འཁུར་རྒྱུ་ཡིན་ཟེར།གསལ་སྒྲོག་ལས་སྲིད་གཞུང་གིས་འདེམ་བསྐོ་ལ་གྲ་སྒྲིག་བྱེད་པ་དང་རྔམ་སྟོན་ཁྲོམ་སྐོར་བྱ་འགུལ་ཐག་གཅོད་པ་སོགས་ཀྱི་ཐད་ནས་ནང་སྲིད་པུའུ་ལ་རྒྱབ་སྐྱོར་བྱེད་བཞིན་ཡོད་ཅིང་། ཨེ་ཅིབ་མི་དམངས་ཀྱིས་ཞི་བའི་ཁྲོམ་སྐོར་བྱས་ཏེ་རེ་འབོད་འདོན་པའི་དབང་ཆ་ཡོད་ཀྱང་། སྲིད་གཞུང་གིས་ཁྲོམ་སྐོར་བྱ་འགུལ་ལ་བརྟེན་ནས་རྒྱལ་ཁབ་ཀྱི་བདེ་འཇགས་དང་བརྟན་འཇགས་ལ་གཏོར་བརླག་བྱེད་འདོད་པའི་གཡོ་ཇུས་གང་རུང་ལ་མཐའ་གཅིག་ཏུ་ཆམ་ཕབ་གཏོང་རྒྱུ་ཡིན་ཟེར།གསལ་སྒྲོག་ལས་སྲིད་གཞུང་གིས་མུ་མཐུད་དུ་ཆབ་སྲིད་ཕྱོགས་ཁག་སོ་སོའི་བར་འབྲེལ་འདྲིས་དང་མཐུན་སྦྱོར་བྱས་ཏེ། རྩ་ཁྲིམས་རྩ་དོན་དང་སྲོལ་རྒྱུན་རྒྱལ་ཁབ་སོགས་གྲོས་གཞིའི་ཐད་ནས་ཐུན་མོང་གི་ལྟ་ཚུལ་འབྱུང་དུ་འཇུག་རྒྱུ་ཡིན་པ་དང་། སྲིད་གཞུང་གིས་ད་རུང་ཕྱོགས་ཁག་སོ་སོས་འབད་བརྩོན་བྱས་ཏེ་གྲོས་ཁང་འདེམ་བསྐོ་ལ་ཞུགས་དགོས་པའི་འབོད་སྐུལ་གཏོང་བཞིན་ཡོད་ཟེར།