དབྱི་ལིང་དར་ཆའི་བརྙན་འཕྲིན་ཁང་གིས་ཚེས་བཅུ་གསུམ་ཉིན་བསྒྲགས་པའི་གནས་ཚུལ་ལྟར་ན། དབྱི་ལིང་གིས་ཉིན་གཉིས་ཀྱི་སྔོན་དབྱི་ལིང་ལྷོ་ནུབ་ཕྱོགས་ཀྱི་མིང་དུ་གྲགས་པའི་རྡོ་སྣུམ་མཁར་གྲོང་ཨ་པཱ་ཏན་ནས་ཁི་ཝེ་ཐི་ཡི་གསང་མྱུལ་བ་གཉིས་འཛིན་བཟུང་བྱས་ཟེར།

བསྒྲགས་པའི་གནས་ཚུལ་ལྟར་ན། མི་དེ་གཉིས་ཁྲིམས་དང་འགལ་བའི་སྒོ་ནས་དབྱི་ལིང་གི་མངའ་ཁོངས་སུ་ཡོང་བ་དང་། བདེ་འཇགས་མི་སྣས་ཁོ་ཚོའི་ལུས་སྟེང་ནས་གསང་མྱུལ་བྱ་འགུལ་ལ་མཁོ་བའི་སྒྲིག་ཆས་རེ་འགའ་རྙེད་ཡོད་ཟེར།

ཨ་པཱ་ཏན་ནི་དབྱི་ལིང་གི་མིང་དུ་གྲགས་པའི་རྡོ་སྣུམ་མཁར་གྲོང་ཞིག་ཡིན་པ་དང་། རྡོ་སྣུམ་ཐོན་སྐྱེད་ས་ཁུལ་ཧུའུ་ཆི་སི་ཐན་ཞིང་ཆེན་གྱི་མངའ་ཁོངས་སུ་ཡོད།

གཞན་ཡང་བསྒྲགས་པའི་གནས་ཚུལ་ལྟར་ན། ཁི་ཝེ་ཐི་སྲིད་གཞུང་གིས་ཚེས་བཅུ་གསུམ་ཉིན་དབྱི་ལིང་བདེ་འཇགས་མི་སྣས་དབྱི་ལིང་དུ་གསང་མྱུལ་གྱི་བྱ་བ་གཉེར་བཞིན་པའི་ཁི་ཝེ་ཐི་ཡི་མི་གཉིས་འཛིན་བཟུང་བྱས་པར་བཤད་པའི་གནས་ཚུལ་དེ་ཁས་ལེན་མ་བྱས་པ་དང་། མི་དེ་གཉིས་དབྱི་ལིང་གི་མངའ་ཁོངས་སུ་སོང་ནས་ཁི་ཝེ་ཐིའི་སྒེར་གཉེར་བརྙན་འཕྲིན་ཁང་ཞིག་ལ་སྤྱི་ཚོགས་ཆེད་དོན་བརྙན་འཕྲིན་ལེ་ཚན་ཕབ་ལེན་བྱེད་བཞིན་ཡོད་ཟེར།