ཡེ་མིན་སྲིད་གཞུང་གིས་ཚེས་ཉེར་གཉིས་ཉིན་གསལ་བསྒྲགས་སྤེལ་ཏེ། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ཚེས་ཉེར་གཅིག་ཉིན་གྲོས་མཐུན་བཀོད་པའི་འབྲེལ་ཡོད་གྲོས་ཆོད་དང་ལེན་བྱེད་རྒྱུ་ཡིན་ཟེར།

ཡེ་མིན་དཔོན་ཕྱོགས་ཀྱིས་བསྒྲགས་པའི་གནས་ཚུལ་ལྟར་ན། ཡེ་མིན་སྲིད་གཞུང་གིས་སྤེལ་བའི་གསལ་བསྒྲགས་ལས་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་གྲོས་ཆོད་གཉིས་ཐིག་གཅིག་བཞི་བ་དང་། ཡེ་མིན་སྲིད་གཞུང་གིས་མཚོ་ཁུགས་ཨ་རབ་རྒྱལ་ཁབ་མཉམ་ལས་ཨུ་ཡོན་ལྷན་ཁང་གི་འདུམ་འགྲིག་གྲོས་མཐུན་གྱི་རྨང་གཞིའི་སྟེང་རྒྱལ་ནང་གི་ཆབ་སྲིད་ཉམས་ཉེན་མཇུག་སྒྲིལ་བར་བྱེད་པར་འཚམ་པ་དང་། ཡེ་མིན་སྲིད་གཞུང་གིས་ཧུར་ཐག་སྒོས་གྲོས་ཆོད་དེ་དང་ལེན་བྱེད་རྒྱུ་ཡིན་ཟེར།གསལ་བསྒྲགས་ལས་ད་རུང་ཡེ་མིན་སྲིད་གཞུང་གིས་འགྲོ་མིའི་ཐོབ་ཐང་སྤྱི་ཆིངས་ཚང་མ་བརྩི་སྲུང་བྱེད་རྒྱུ་བསྐྱར་བསྒྲགས་བྱས། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་ཚེས་ཉེར་གཅིག་ཉིན་གྲོས་མཐུན་བཀོད་དེ། ཡེ་མིན་གྱི་ཕྱོགས་སོ་སོས་མྱུར་དུ་དྲག་ཤུགས་སྤྱོད་མཚམས་འཇོག་དགོས་པའི་རེ་བ་བཏོན་པ་དང་། ཡེ་མིན་གྱི་ཙུང་ཐུང་སཱ་ལེ་ཧི་ཡིས་གང་མགྱོགས་སྒོས་མཚོ་ཁུགས་ཨ་རབ་རྒྱལ་ཁབ་མཉམ་ལས་ཨུ་ཡོན་ལྷན་ཁང་གིས་བཏོན་པའི་འདུམ་འགྲིག་གྲོས་མཐུན་འགོད་དགོས་པའི་འབོད་སྐུལ་བཏང་།ཡེ་མིན་སྲིད་གཞུང་དམག་དཔུང་དང་སྲིད་གཞུང་ལ་ངོ་རྒོལ་བྱེད་པའི་ཚོ་ཁག་གི་དྲག་ཆས་པས་ཚེས་ཉེར་གཉིས་ཉིན་ཡང་བསྐྱར་རྒྱལ་ས་སཱ་ནཱ་ནས་འཁྲུག་རྩོད་བྱས། སྨན་ཁང་ཕྱོགས་ཀྱིས་འདོན་སྤྲོད་བྱས་པའི་གནས་ཚུལ་ལྟར་ན། འཁྲུག་རྩོད་དེ་ལས་ཉུང་མཐར་ཡང་གསར་འགོད་པ་གཅིག་དང་བཅས་པའི་མི་སེར་དཀྱུས་མ་བཞི་རྐྱེན་ལམ་དུ་ཤོར་བ་དང་། མི་ཉེར་གཅིག་ལ་རྨས་ཕོག་ཟེར།