ཟླ་བཅུ་བའི་ཚེས་བཅུ་གཉིས་ཉིན། ལི་པུ་ཡཱའི་དབང་འཛིན་ལས་ཁུངས་ཀྱི་དཔོན་པོ་ཐིས་ནཱ་ཚི་ཡིས་ཞིན་ཧྭ་གསར་འགྱུར་ཁང་གི་གསར་འགོད་པའི་ཆེད་དོན་བཅར་འདྲི་དང་ལེན་བྱེད་སྐབས་བཤད་རྒྱུར། ཁཱ་ཀྲ་ཧྥེ་ཡི་བུ་མུའུ་ཐཱ་ཞི་མུའུ་སུའུ་ཨར་ཐི་ནས་འཛིན་བཟུང་བྱས་ཡོད་ཟེར།
ལི་པུ་ཡཱའི་དབང་འཛིན་ལས་ཁུངས་ཀྱི་རྒྱལ་ཡོངས་བར་བརྒལ་ཨུ་ཡོན་ལྷན་ཁང་ལག་བསྟར་ཨུ་ཡོན་ལྷན་ཁང་གི་རྒྱལ་སྲུང་པུའུ་ཀྲང་གཞོན་པ་ཐིས་ནཱ་ཚི་ཡིས་ཚེས་བཅུ་གཉིས་ཉིན་ཞིན་ཧྭ་གསར་འགྱུར་ཁང་གི་གསར་འགོད་པར་བདེན་དཔང་བྱས་དོན། དབང་འཛིན་ལས་ཁུངས་ཀྱི་དྲག་ཆས་མི་སྣས་ཉིན་དེར་སུའུ་ཨར་ཐི་གྲོང་ཁྱེར་ནས་ཁཱ་ཀྲ་ཧྥེ་ཡི་བུ་བཞི་བ་མུའུ་ཐཱ་ཞི་མུའུ་འཛིན་བཟུང་བྱས་ཡོད་ཟེར།ཐིས་ནཱ་ཚི་ཡིས་བཤད་རྒྱུར། མུའུ་ཐཱ་ཞི་མུའུ་རྒྱུན་དུ་སུའུ་ཨར་ཐི་གྲོང་ཁྱེར་དུ་སྦས་བསྐུངས་བྱས་ཡོད་པ་དང་། ཚེས་བཅུ་གཉིས་ཉིན་གྱི་དགོང་མོར་དབང་འཛིན་ལས་ཁུངས་ཀྱི་དྲག་ཆས་མི་སྣས་འཛིན་བཟུང་བྱས་ཟེར།ཐིས་ནཱ་ཚི་ཡིས་བཤད་རྒྱུར། དབང་འཛིན་ལས་ཁུངས་ཀྱི་དྲག་ཆས་མི་སྣས་སུའུ་ཨར་ཐི་གྲོང་ཁྱེར་ཡོངས་བདག་བཟུང་བྱས་པ་དང་། མིག་སྔར་མཁར་ནང་གི་ཁཱ་ཀྲ་ཧྥེ་ཡི་དམག་མི་ལྷག་མ་གཙང་བཤེར་བྱེད་བཞིན་ཡོད་ལ། ད་ལྟ་སུའུ་ཨར་ཐི་གྲོང་ཁྱེར་གྱི་ཁཱ་ཀྲ་ཧྥེ་ཡི་དམག་མི་ལྷག་འཕྲོ་ལ་མི་བརྒྱ་ཕྲག་འགའ་ཡོད་ཟེར།ཐིས་ནཱ་ཚི་ཡིས་གསར་འགོད་པར་བདེན་དཔང་བྱས་དོན། དབང་འཛིན་ལས་ཁུངས་དང་ཁཱ་ཀྲ་ཧྥེ་ཡི་དམག་མི་ལྷག་མའི་བར་པེད་ནེ་བོ་ལེ་ཏི་ནས་གྲོས་མོལ་བྱེད་པར་གཏོར་བརླག་ཐེབས་པ་དང་། ཉེ་སྔོན་པེད་ནེ་བོ་ལེ་ཏི་ལ་དཔུང་འཇུག་བྱེད་རྒྱུ་རེད་ཟེར། ལི་པུ་ཡཱའི་དབང་འཛིན་ལས་ཁུངས་ཀྱིས་དེའི་སྔོན་བདེན་དཔང་བྱས་དོན། ཁཱ་ཀྲ་ཧྥེ་ཡི་བུ་གཉིས་པ་སེ་དབྱེ་ཧྥུའུ་པེད་ནེ་བོ་ལེ་ཏི་རུ་སྦས་བསྐུངས་བྱས་ཡོད་ཟེར།