མཉམ་འབྲེལ་རྒྱལ་ཚོགས་འཛམ་གླིང་འབྲུ་རིགས་འཆར་འགོད་ཧྲུའུ་ཡིས་ཀྲུང་གོའི་སྲིད་གཞུང་གིས་སོ་མཱ་ལི་རྒྱལ་ཁབ་ལ་འབྲུ་རིགས་ཀྱིས་རོགས་སྐྱོར་བྱེད་པའི་ཨ་མེ་རི་ཁའི་སྒོར་མོ་བྱེ་བ་གཅིག་དང་ས་ཡ་དྲུག་བཀོལ་ནས་གྲོ་དང་མ་རྨོས་ལོ་ཏོག་སོགས་དངོས་རྫས་ཉོས་ནས་བསྟུད་མར་སོ་མཱ་ལི་རུ་འབྱོར་བ་དང་། ཚེས་བཅུ་གཉིས་ཉིན་སོ་མཱ་ལིའི་རྒྱལ་ས་མའོ་ཅཱ་ཏིས་ཧྲ་ནས་སོ་མཱ་ལིའི་རོགས་སྐྱོར་འབྲུ་རིགས་བརྒྱུད་སྤྲོད་བྱེད་པའི་མཛད་སྒོ་བསྡུས།ཁུན་ནེ་ཡཱ་རུ་སྡོད་པའི་ཀྲུང་གོའི་གཞུང་ཚབ་ཁང་གི་དཔལ་འབྱོར་ཚོང་དོན་དཔོན་པོ་ཧན་ཁྲོན་ལིན་གྱིས་རོགས་སྐྱོར་འབྲུ་རིགས་བརྒྱུད་སྤྲོད་བྱེད་པའི་མཛད་སྒོའི་སྟེང་བཤད་རྒྱུར། ཀྲུང་གོ་སྲིད་གཞུང་དང་མི་དམངས་ཀྱིས་ཨ་ཧྥེ་རི་ཁའི་གླིང་སྣེ་ས་ཁུལ་གྱི་ཐན་པ་དང་ལྟོགས་སྐོམ་གྱི་གནས་ཚུལ་ལ་དོ་སྣང་བྱེད་བཞིན་ཡོད་པ་དང་། ཀྲུང་གོ་སྲིད་གཞུང་གིས་ཞལ་འདེབས་ཕུལ་བ་ལས་རྒྱལ་ཁབ་གཉིས་ཀྱི་མི་དམངས་བར་མཛའ་བཤེས་ཟབ་མོ་ཡོད་པ་མཚོན་ལ། ང་ཚོས་སོ་མཱ་ལིའི་མི་དམངས་ལ་རོགས་རམ་བྱས་ཏེ་ལྟོགས་སྐོམ་གྱི་སྡུག་བསྔལ་ལས་ཐར་བར་རྒྱབ་སྐྱོར་བྱེད་རྒྱུ་ཡིན་ཟེར།ཚོད་དཔག་བྱས་པ་ལྟར་ན། ཀྲུང་གོ་སྲིད་གཞུང་གིས་ཐེངས་འདིར་ཞལ་འདེབས་སུ་ཕུལ་བའི་ཨ་མེ་རི་ཁའི་སྒོར་མོ་བྱེ་བ་གཅིག་དང་ས་ཡ་དྲུག་གིས་སོ་མཱ་ལིའི་མང་ཚོགས་ས་ཡ་གཅིག་དང་འབུམ་བདུན་ལ་ཟླ་ངོ་གཅིག་གི་འབྲུ་རིགས་འདོན་སྤྲོད་བྱེད་ཐུབ་པ་དང་། དེའི་ནང་འཚོ་བཅུད་ཀྱིས་མི་འདང་བའི་བྱིས་པ་འབུམ་གཅིག་ཡོད