ཨ་མེ་རི་ཁའི་རྒྱལ་སྲུང་པུའུ་ཡིས་ཚེས་བཅུ་གཉིས་ཉིན་ཁྱབ་བསྒྲགས་བྱས་དོན།རྒྱལ་སྲུང་པུའུ་ཀྲང་ཕཱ་ནེ་ཐཱ་ཡིས་ཟླ་འདིའི་ཚེས་ཉེར་གཅིག་ཉིན་ནས་ཚེས་ཉེར་བརྒྱད་ཉིན་བར་ཨེ་ཤ་ཡཱ་གླིང་དུ་འཚམས་འདྲི་བྱེད་རྒྱུ་ཡིན་པ་དང་།འབྲེལ་ཡོད་རྒྱལ་ཁབ་ཀྱི་རྒྱལ་སྲུང་པུའུ་ཀྲང་དང་གྲོས་མོལ་བྱེད་རྒྱུ་ཡིན་ཟེར།རྒྱལ་སྲུང་པུའུ་ཡི་མགྲིན་ཚབ་པ་ཧི་ཨར་ལེ་ཏི་ཡིས་བཤད་རྒྱུར།དེ་ནི་ཕཱ་ནེ་ཐཱ་ཡིས་རྒྱལ་སྲུང་པུའུ་ཀྲང་ཐོབ་ཐང་ཨེ་ཤ་ཡཱ་དང་ཞི་བདེ་རྒྱ་མཚོ་ཆེན་མོའི་ས་ཁུལ་དུ་བྱེད་རྒྱུ་ཡིན་པའི་འཚམས་འདྲི་ཐོག་མ་ཡིན་ཞིང་། ཁོས་ཧིན་རྡུ་ཉི་ཞི་ཡཱའི་པཱ་ལི་གླིང་ཕྲན་དང་།ཨེ་ཤ་ཡཱ་ཤར་ལྷོའི་མནའ་འབྲེལ་གྱི་ཁོངས་གཏོགས་རྒྱལ་ཁབ་སོ་སོའི་རྒྱལ་སྲུང་པུའུ་ཀྲང་དང་གྲོས་མོལ་བྱེད་རྒྱུ་རེད།དེ་ལས་གཞན་ཕཱ་ནེ་ཐཱ་ཡིས་ད་རུང་འཇར་པན་གྱི་རྒྱལ་ས་ཏུང་ཅིན་དང་ཧན་གོའི་རྒྱལ་ས་ཧྲིག་ཨར་དུ་འཚམས་འདྲིར་འགྲོ་རྒྱུ་རེད།ཧི་ཨར་ལེ་ཏི་ཡིས་བཤད་རྒྱུར།ཕཱ་ཨར་ཐཱ་ཧྲིག་ཨར་ནས་ཧན་གོ་ཕྱོགས་ཀྱི་བདེ་སྲུང་མཐུན་ཚོགས་ཀྱི་གྲོས་ཚོགས་ལ་ཞུགས་རྒྱུ་ཡིན་པར་མ་ཟད། ཧན་གོའི་རྒྱལ་སྲུང་པུའུ་ཀྲང་ཅིན་ཁོན་ཀྲིན་དང་གྲོས་མོལ་བྱེད་རྒྱུ་རེད་ཟེར།