ཡེ་མིན་དུ་ཡོད་པའི་རྟེན་གཞི་རྩ་འཛུགས་ཀྱི་ཨ་རབ་ཕྱེད་གླིང་ཡན་ལག་རུ་ཁག་གིས་ཚེས10ཉིན་རང་གི་དྲ་ཚིགས་བརྒྱུད་དེ་གསལ་སྒྲོག་སྤེལ་ནས། རྩ་འཛུགས་དེའི་མགོ་བ་གཙོ་བོ་ཨོ་ལཱ་ཅི་ཟླ9བའི་ཚེས30ཉིན་ཨ་མེ་རི་ཁའི་མི་བསྡད་མེད་པའི་གནམ་གྲུའི་འགས་གཏོར་ཁྲོད་ཤི་བ་ཁས་ལེན་བྱས་པ་དང་། འཁོན་ལན་སློག་པའི་འཇབ་རྒོལ་བྱེད་རྒྱུ་ཡིན་ཟེར།

གསལ་སྒྲོག་ལས་བཤད་རྒྱུར། ཨོ་ལཱ་ཅི་དང་རྟེན་གཞི་རྩ་འཛུགས་ཨ་རབ་ཕྱེད་གླིང་ཡན་ལག་རུ་ཁག་གི་དབྱིན་ཡིག་དུས་དེབ«ཡར་སྐུལ»ཞེས་པའི་རྩོམ་སྒྲིག་པ་གཉིས་མཱ་ལི་པུའུ་ཞིང་ཆེན་དང་ཅོ་ཧྥུའུ་ཞིང་ཆེན་འབྲེལ་མཚམས་ས་ཁུལ་ནས་ཨ་མེ་རི་ཁའི་ཀྲུང་དབྱང་གསང་འཕྲིན་ལས་ཁུངས་ཀྱི་མི་བསྡད་མེད་པའི་གནམ་གྲུའི་འགས་གཏོར་ཁྲོད་ཤི་ཟེར།

རྩ་འཛུགས་དེས་འཁོན་ལན་སློག་རྒྱུའི་ཚུལ་བསྟན་པར་མ་ཟད་ཡེ་མིན་གྱི་མིས་ཨ་མེ་རི་ཁའི་ཡེ་མིན་མངའ་ཁོངས་ནས་དམག་དོན་འགུལ་བསྐྱོད་སྤེལ་བར་ངོ་རྒོལ་བྱེད་དགོས་པའི་འབོད་སྐུལ་བཏང་།