ཨུ་རུ་སུའི་ཕྱི་ཕྱོགས་ཚོང་དོན་དངུལ་ཁང་གི་ཙུང་ཚའེ་ཨན་ཏེ་ལའེ·ཁོའོ་སི་ཅིང་གིས་ཚེས6ཉིན་ཨུ་རུ་སུའི་ཕྱི་ཕྱོགས་ཚོང་དོན་དངུལ་ཁང་མིང་འོག་གིVTB24དངུལ་ཁང་གིས་ཟླ་འདིའི་ཚེས10ཉིན་ནས་བཟུང་མི་དམངས་ཤོག་སྒོར་གྱི་གསོག་དངུལ་ལས་སྒོ་སྤེལ་རྒྱུ་ཡིན་ཞེས་གསུངས་པ་རེད།ཁོའོ་སི་ཅིང་གིས་ཚེས6ཉིན“ཨུ་རུ་སུས་འབོད་སྐུལ་བྱེད”ཅེས་པའི་མ་འཇོག་གླེང་སྟེགས་སྐབས་གསུམ་པའི་ཐོག་ཟླ10པའི་ཚེས10ཉིན་ནས་བཟུང་ཨུ་རུ་སུའི་དངུལ་བཅོལ་མཁན་གྱིས་དངུལ་ཁང་དེའི་མིང་འོག་གིVTB24དངུལ་ཁང་དུ་མི་དམངས་ཤོག་སྒོར་གྱི་བཅོལ་དངུལ་རྩིས་ཁྲ་བཟོས་ན་འགྲིག་ཅེས་བརྗོད་མོད།འོན་ཀྱང་ཁོའོ་སི་ཅིང་གིས་རྣམ་གྲངས་དེའི་ལས་སྒོའི་ཞིབ་སྲོལ་ཁ་གསལ་བསྟན་མེད་པ་རེད།
འདི་ནི་ཨུ་རུ་སུའི་དངུལ་ཁང་ཨང་གཉིས་པས་མི་དམངས་ཤོག་སྒོར་གྱི་གསོག་དངུལ་ལས་སྒོ་སྤེལ་བ་ཞིག་ཡིན་ཞིང་།2010ལོའི་ཟླ་བ་གཉིས་པ་ནས་བཟུང་ཨུ་རུ་སུའི་“ངའི་དངུལ་ཁང་”ཞེས་འབོད་པའི་ཚོང་ལས་དངུལ་ཁང་གཅིག་གིས་མི་དམངས་ཤོག་སྒོར་གྱི་གསོག་དངུལ་ལས་སྒོ་ཐོག་མ་དེ་སྤེལ་བ་རེད།