ཨ་མེ་རི་ཁའི་ཙུང་ཐུང་ཨོ་པཱ་མཱ་ཡིས་ཚེས་ཉེར་གཉིས་ཉིན་རྒྱལ་ཚོགས་ཀྱིས་གང་མགྱོགས་སྒོས་སྲིད་གཞུང་གིས་བཏོན་པའི་ལས་ཞུགས་བཅའ་ཁྲིམས་འཆར་ཟིན་ལ་གྲོས་མཐུན་བཀོད་དེ། ལས་ཤོར་གྱི་ཚད་ཇེ་དམའ་རུ་གཏོང་བ་དང་དཔལ་འབྱོར་སླར་གསོའི་གོམ་སྟབས་ཇེ་མགྱོགས་སུ་གཏོང་དགོས་པའི་སྐུལ་མ་བཏང་།
ཨོ་པཱ་མཱ་ཡིས་ཉིན་དེར་ཨིག་ཧི་ཨིག་ཀྲིག་གི་བཟོ་སྐྲུན་ཁེ་ལས་ཤིག་ནས་གཏམ་བཤད་སྤེལ་སྐབས་བཤད་རྒྱུར། ཨ་མེ་རི་ཁའི་བཟོ་སྐྲུན་སོགས་ལས་རིགས་ལ་དངུལ་ལོར་ཉམས་ཉེན་གྱི་གནོད་པ་ཚབས་ཆེན་ཐེབས་པ་དང་། ཨ་མེ་རི་ཁའི་ཟམ་པ་སོགས་རྨང་གཞིའི་སྒྲིག་ཆས་མང་བོར་ཞིག་གསོ་བྱེད་དགོས་ལ། ཨ་མེ་རི་ཁ་རྒྱལ་ཁབ་ཀྱིས་ཀྱང་སློབ་གསོ་སོགས་ཡུན་རིང་གི་འགྲན་རྩོད་ནུས་པར་འབྲེལ་བའི་ལས་རིགས་ཀྱི་མ་དངུལ་གཏོང་ཚད་ཇེ་མང་དུ་གཏོང་དགོས་པས། རྒྱལ་ཚོགས་ཀྱིས་གང་མགྱོགས་སྒོས་ལས་ཞུགས་བཅའ་ཁྲིམས་འཆར་ཟིན་དེར་ཆོག་མཆན་འགོད་དགོས་ཟེར།