རྒྱལ་སྤྱིའི་དངུལ་ལོར་མཐུན་ཚོགས་ཀྱིས་མི་འགྱངས་པར་འཛམ་གླིང་དངུལ་ཁང་དང་རྒྱལ་སྤྱིའི་དངུལ་ལོར་ཐེབས་རྩ་ཚོགས་པའི་ལོ་ཚོགས་ལ་ཞུགས་རྒྱུ་ཡིན་པའི་རྒྱལ་ཁབ་ཉི་ཤུའི་སྡེ་ཚོགས་ཀྱི་ཀྲུང་དབྱང་དངུལ་ཁང་གི་ཧང་ཀྲང་དང་ནོར་སྲིད་བློན་ཆེན་ལ་སྤྲིངས་པའི་འཕྲིན་ཡིག་ནང་གོང་གི་བསམ་ཚུལ་དེ་བསྟན་པ་རེད།

རྒྱལ་སྤྱིའི་དངུལ་ལོར་མཐུན་ཚོགས་ཀྱི་ཙུང་ཚེ་ཏཱ་ལོས་ཧྭ་ཡིས་ཉིན་དེར་གསར་འགྱུར་སྒྲོག་སྤེལ་ཚོགས་འདུའི་སྟེང་བཤད་རྒྱུར། ཨ་མེ་རི་ཁ་དང་ཡོ་རོབ་གླིང་གི་དངུལ་ལོར་ཉམས་ཉེན། ཨ་མེ་རི་ཁ་དང་དབྱིན་ཇིས་ལྷོད་ཡངས་ཀྱི་དངུལ་ལོར་སྲིད་ཇུས་འཚོལ་ཞིབ་བྱེད་པ། དེ་མིན་རྒྱལ་ཁབ་དེ་དག་གི་སྒེར་གཉེར་སྡེ་ཁག་གི་ཡིད་རྟོན་དངུལ་བུན་མཉམ་གསོགས་བྱས་ནས་དངུལ་ལོར་ཚོང་རའི་ཟང་ཟིང་གི་རྣམ་པ་སྔར་ལས་ཇེ་དྲག་ཏུ་བཏང་། དེང་སྐབས་ཀྱི་གནས་ཚུལ་འོག རྒྱལ་སྤྱིའི་སྤྱི་ཚོགས་ཀྱིས་ཡུན་རིང་དང་མངོན་གསལ་གྱི་ཐག་གཅོད་ཇུས་གཞི་ཞིག་གཏན་འབེབས་བྱེད་པར་གལ་འགངས་ཧ་ཅང་ཆེ་ཟེར།