མཉམ་འབྲེལ་རྒྱལ་ཚོགས་ཀྱི་ཚོགས་ཆེན་སྐབས་རེ་དྲུག་པ་དེ་ཟླ9བའི་ཚེས13ཉིན་གྱི་ཕྱི་དྲོར་ཉིག་ཡོ་མཉམ་འབྲེལ་རྒྱལ་ཚོགས་སྤྱི་ཁྱབ་པུའུ་ནས་ཚོགས་མགོ་བརྩམས། སྐབས་འདིའི་མཉམ་འབྲེལ་རྒྱལ་ཚོགས་ཚོགས་ཆེན་གྱི་ཀྲུའུ་ཞི་ན་སེ་ཨེར་གྱིས་སྐབས་འདིའི་ཚོགས་སྟེང་བསྒྲུབ་དགོས་པའི་རྩོད་གཞི་ཞི་བས་ཐག་གཅོད་པ་དང་། མཉམ་འབྲེལ་རྒྱལ་ཚོགས་ཀྱི་བཅོས་སྒྱུར་དང་བསྐྱར་དར། མེ་འགོག་གནོད་སེལ་ལམ་ལུགས་ལེགས་བཅོས་དང་རྒྱུན་སྲིང་འཕེལ་རྒྱས། འཛམ་གླིང་ཡོངས་དར་རྒྱས་སུ་གཏོང་བ་བཅས་ཀྱི་བྱ་བ་གཙོ་བོ་བཞི་མཚམས་སྦྱོར་བྱས།

མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ནི་མཉམ་འབྲེལ་རྒྱལ་ཚོགས་ཀྱི་ཁོངས་གཏོགས་རྒྱལ་ཁབ་བརྒྱ་དང་གོ་གསུམ་ལས་གྲུབ་པ་དང་། མཉམ་འབྲེལ་རྒྱལ་ཚོགས་ཀྱི་སྲིད་ཇུས་གྲོས་ཞིབ་ལས་ཁུངས་གཙོ་བོ་རེད། མཉམ་འབྲེལ་རྒྱལ་ཚོགས་ཀྱི་ཚོགས་ཆེན་སྐབས་རེ་དྲུག་པ་ཚོགས་པའི་སྐབས་ཀྱི་ཟླ9བའི་ཚེས19ཉིན་ནས་ཚེས20ཉིན་བར་འགོ་ནད་མ་ཡིན་པའི་རིམས་ནད་སྔོན་འགོག་དང་ཚོད་འཛིན་པའི་མཐོ་རིམ་གྲོས་ཚོགས་བསྡུ་རྒྱུ་དང་། ཟླ9བའི་ཚེས20ཉིན་ས་ཞིང་ཐང་རྒོད་དང་བྱེ་མར་གྱུར་བ་དང་ཐན་པ་བཅས་གནད་དོན་སྐོར་གྱི་མཐོ་རིམ་གྲོས་ཚོགས་བསྡུ་རྒྱུ་ཡིན་པ། ཟླ9བའི་ཚེས21ཉིན་ནས་ཚེས27ཉིན་བར་མཉམ་འབྲེལ་རྒྱལ་ཚོགས་ཚོགས་ཆེན་གྱི་སྤྱིར་བཏང་གི་བགྲོ་གླེང་བྱེད་པ། ཟླ9བའི་ཚེས22ཉིན་ཉིང་རྡུལ་བདེ་འཇགས་ཐད་ཀྱི་མཐོ་རིམ་གྲོས་ཚོགས་དང་པན་ཏི་བསྒྲགས་གཏམ་དང་འགུལ་སྐྱོད་རྩ་གནད་ཅེས་པར་གྲོས་འཆམ་བྱུང་ནས་ལོ10འཁོར་བར་དྲན་གསོ་ཞུ་བའི་མཐོ་རིམ་གྲོས་ཚོགས་བསྡུ་རྒྱུ་རེད། །