ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།དབྱི་རག་ནང་སྲིད་པུའུ་ཡིས་ཟླ9པའི་ཚེས13ཉིན་གྱི་ཞོགས་པར་བཤད་རྒྱུར། དབྱི་རག་ཧྲི་ཡེ་ཕྱོགས་ཁག་གི་མུའུ་སི་ལིན་མང་ཚོགས་ཉེར་གཉིས་ཚེས12ཉིན་དབྱི་རག་ནུབ་ངོས་ཀྱི་ཨན་པཱ་ཨར་ཞིང་ཆེན་ནས་ཐོབ་ཐང་གསལ་བོར་མི་ཤེས་པའི་དྲག་ཆས་པས་མེ་མདས་བསད་ཟེར།

མིང་བཤད་མི་འདོད་པའི་དབྱི་རག་ནང་སྲིད་པའུ་ཡི་དཔོན་རིགས་ཤིག་གིས་གསར་འགོད་པའི་བཅར་འདྲི་དང་ལེན་བྱེད་སྐབས་བཤད་རྒྱུར། སྤྱི་སྤྱོད་རླངས་འཁོར་ཞིག་སི་རི་ཡཱ་ནས་ཨན་པཱ་ཨར་ཞིང་ཆེན་གྱི་ནཱ་ཞི་པུའུ་ས་ཁུལ་དུ་བགྲོད་སྐབས། མེ་མདའ་བཟུང་བའི་དྲག་ཆས་པ་སྐོར་ཞིག་གིས་བཙན་ཁྲིད་བྱས། དྲག་ཆས་པས་རླངས་འཁོར་སྟེང་གི་བུད་མེད་དང་བྱིས་པ་བརྒྱད་འབབ་ཏུ་བཅུག་རྗེས་དེའི་ཤུལ་གྱི་ཧྲི་ཡེ་ཕྱོགས་ཁག་གི་མུའུ་སི་ལིན་གྱི་སྐྱེས་པ22བཙན་ཁྲིད་བྱས་པ་རེད་ཟེར།

བདེ་འཇགས་དམག་དཔུང་གི་མི་སྣས་ལམ་འགྲམ་དུ་བསྐྱུར་ཡོད་པའི་བུད་མེད་དང་བྱིས་པ་རྙེད་རྗེས་བྲེལ་མྱུར་སྒོས་སྔོག་བཤེར་བྱས། དེའི་རྗེས་སུ་སྤྱི་ལེ་འགའི་མཚམས་སུ་བཙན་ཁྲིད་བྱས་ཏེ་དམར་གསོད་བྱས་པའི་ཧྲི་ཡེ་ཕྱོགས་ཁག་གི་མུའུ་སི་ལིན་མང་ཚོགས22ཀྱི་བེམ་པོ་རྙེད་པ་རེད།

དབྱི་རག་ནང་སྲིད་པུའུ་ཡིས་བཤད་རྒྱུར། བདེ་འཇགས་དམག་དཔུང་གིས་དོགས་ཡོད་ཉེས་ཅན་ལ་རྗེས་འདེད་སྔོག་བཤེར་བྱེད་བཞིན་ཡོད་ལ། མིག་སྔར་ད་རུང་རྩ་འཛུགས་དང་མི་སྒེར་གང་རུང་གིས་འཇབ་རྒོལ་དོན་རྐྱེན་དེ་ལ་འགན་ཁུར་རྒྱུ་ཁས་ལེན་བྱས་མེད་ཟེར། །