ཨ་མེ་རི་ཁ་དང་རོ་མཱ་ནི་ཡཱ་རྒྱལ་ཁབ་གཉིས་ཀྱིས་ཚེས་བཅུ་གསུམ་ཉིན་ཝ་ཧྲིན་ཏོན་ནས་ཏའོ་ཏན་འགོག་སྲུང་མ་ལག་བཀོད་སྒྲིག་བྱེད་པའི་གྲོས་མཐུན་བཀོད་པ་དང་། ཨ་མེ་རི་ཁ་རྒྱལ་ཁབ་ཀྱིས་ཉིས་སྟོང་བཅོ་ལྔ་ལོའི་སྔོན་ལ་རོ་མཱ་ནི་ཡཱ་རུ་ཏའོ་ཏན་འགོག་སྲུང་མ་ལག་བཀོད་སྒྲིག་བྱེད་ཐུབ་རྒྱུ་རེད།ཨ་མེ་རི་ཁའི་རྒྱལ་སྲིད་བློན་ཆེན་ཞི་ལཱ་ལི་དང་རོ་མཱ་ནི་ཡཱའི་ཕྱི་འབྲེལ་བློན་ཆེན་པཱ་ཁུང་སི་ཅི་གཉིས་ཀྱིས་སོ་སོར་རྒྱལ་ཁབ་གཉིས་ཀྱི་སྲིད་གཞུང་གི་ཚབ་བྱས་ཏེ་གྲོས་མཐུན་སྟེང་མིང་བཀོད། ཞི་ལཱ་ལི་ཡིས་གྲོས་ཆོད་དེ་ནི་རྒྱལ་ཁབ་གཉིས་ཀྱི་འབྲེལ་བའི་ཁྲོད་ཀྱི་ལམ་ཚད་རྡོ་རིང་ཞིག་རེད་ཟེར།ཨ་མེ་རི་ཁའི་རྒྱལ་སྲིད་སྤྱི་ཁྱབ་ཁང་གིས་བཤད་རྒྱུར། གྲོས་མཐུན་དེ་ལ་རོ་མཱ་ནི་ཡཱའི་གྲོས་ཁང་གིས་ཆོག་མཆན་བཀོད་རྗེས་ནུས་ལྡན་དུ་འགྱུར་སྲིད་པ་དང་། ཨ་མེ་རི་ཁ་རྒྱལ་ཁབ་ཀྱིས་རོ་མཱ་ནི་ཡཱའི་ཏི་ཝེ་སེ་ལུའུ་མཁའ་དམག་རྟེན་གཞི་རུ་ཡོ་རོབ་གླིང་དང་ཨ་མེ་རི་ཁའི་ཏའོ་ཏན་གྱི་འཇིགས་པ་འགོག་ཐུབ་པའི་ཏའོ་ཏན་འགོག་སྲུང་མ་ལག་བཀོད་སྒྲིག་བྱས་ཆོག་པ་རེད་ཟེར།ཨ་མེ་རི་ཁའི་རོ་མཱ་ནི་ཡཱ་རུ་བཀོད་སྒྲིག་བྱེད་པའི་ཏའོ་ཏན་འགོག་སྲུང་རྟེན་གཞི་དེ་ཉིས་སྟོང་བཅོ་ལྔ་ལོར་འགྲུབ་རྒྱུ་ཡིན་པ་དང་། རྟེན་གཞི་དེ་ཨ་མེ་རི་ཁའི་འཛམ་གླིང་ཡོངས་ཀྱི་ཏའོ་ཏན་འགོག་སྲུང་མ་ལག་གི་གྲུབ་ཆ་ཞིག་ཏུ་འགྱུར་ངེས་རེད།