བྱང་ཆིངས་རྩ་འཛུགས་ཀྱིས་ཁཱ་ཀྲ་ཧྥེ་ཡི་དམག་དཔུང་ལྷག་འཕྲོས་གྲོས་མོལ་བྱེད་འདོད་མེད་པར་བཤད་པ།

        2011-09-15

བྱང་ཆིངས་རྩ་འཛུགས་ཀྱི་ལི་པུ་ཡཱའི་དམག་དོན་འགུལ་བསྐྱོད་ཀྱི་མགྲིན་ཚབ་པ་ལཱ་ཝ་ཡིས་ཚེས་བཅུ་གསུམ་ཉིན་བཤད་རྒྱུར། ཁཱ་ཀྲ་ཧྥེ་ལ་བློ་དཀར་བའི་དམག་དཔུང་ལྷག་འཕྲོ་ཡིས་རྒྱལ་ཡོངས་བར་བརྒལ་ཨུ་ཡོན་ལྷན་ཁང་བར་ཞི་བའི་གྲོས་མོལ་བྱེད་འདོད་མེད་ཟེར།

ལཱ་ཝ་ཡིས་ཉིན་དེར་དབྱི་ཐཱ་ལེའི་ནཱ་པུའུ་ལེ་སི་ནས་བརྙན་རིས་བརྒྱུད་དེ་བཤད་རྒྱུར། རྒྱལ་ཡོངས་བར་བརྒལ་ཨུ་ཡོན་ལྷན་ཁང་གིས་ཁཱ་ཀྲ་ཧྥེ་ཡི་དམག་དཔུང་ལྷག་འཕྲོ་ལ་ཞི་བའི་གྲོས་མོལ་བྱེད་པའི་གྲོས་གཞི་བཏོན་ཀྱང་། གཟའ་འཁོར་གཅིག་རིང་གི་དོན་དངོས་གནས་ཚུལ་ལ་གཞིགས་ན་ཁཱ་ཀྲ་ཧྥེ་ཡི་དམག་དཔུང་ལྷག་འཕྲོས་གྲོས་མོལ་བྱེད་འདོད་མེད་པ་དང་། ཁོ་ཚོས་ཚོད་འཛིན་བྱེད་པའི་གྲོང་ཁྱེར་དེ་ཤོར་བར་དོགས་བཞིན་ཡོད་པ་གསལ་བོ་རེད་ཟེར།

ལཱ་ཝ་ཡིས་བཤད་རྒྱུར། ཁཱ་ཀྲ་ཧྥེ་ཡི་དམག་དཔུང་ལྷག་འཕྲོས་མིག་སྔར་པེད་ནེ་བོ་ལེ་ཏི་དང་སུའུ་ཨར་ཐི། སེ་པུའུ་ཧཱ་སོགས་མཁར་གྲོང་བཟུང་ཡོད་པ་དང་། ཚད་ངེས་ཅན་ཞིག་གི་སྟེང་ནས་ས་དེའི་མི་སེར་དཀྱུས་མ་མི་གཏའ་རུ་བྱས་ཡོད་ཟེར། ཁོས་ད་རུང་བསྟན་དོན། པེད་ནེ་བོ་ལེ་ཏི་དང་སུའུ་ཨར་ཐི་ཡི་གནས་བབ་ཧ་ཅང་བརྟན་འཇགས་མིན་ལ། མི་འགྱངས་པར་འགྱུར་ལྡོག་འབྱུང་ངེས་རེད་ཟེར།

ལཱ་ཝ་ཡིས་བཤད་རྒྱུར། བྱང་ཆིངས་རྩ་འཛུགས་ལ་ཁཱ་ཀྲ་ཧྥེ་གར་ཡོད་ཀྱི་གསང་འཕྲིན་ཅི་ཡང་འབྱོར་མེད་པས། མིག་སྔར་ཁོ་ལི་པུ་ཡཱ་རྒྱལ་ཁབ་ཏུ་ཡོད་པའམ་རྒྱལ་ཁབ་གཞན་དུ་ཡོད་པ་བརྡར་གཅོད་བྱེད་ཐབས་མེད་ཟེར།

  • ལེ་ཚན་སྔོན་མ།:ཅཱ་ལེ་ལེ་ཡིས་ལི་པུ་ཡཱའི་རྒྱལ་ཁབ་གསར་བར་ཐལ་སྤྱོད་བསམ་བློ་གང་རུང་ཡོད་མི་རུང་བར་བཤད་པ།
  • ལེ་ཚན་རྗེས་མ།:དབྱང་ཅེ་ཁྲི་ཡིས་ཧྥ་རན་སིའི་ཕྱི་འབྲེལ་བློན་ཆེན་ཀྲུའུ་ཕེ་དང་གྲོས་མོལ་བྱས་པ།
  • དོ་སྣང་ཆེ་བའི་རྩོམ།