ཅཱ་ལེ་ལེ་ཡིས་ལི་པུ་ཡཱའི་རྒྱལ་ཁབ་གསར་བར་ཐལ་སྤྱོད་བསམ་བློ་གང་རུང་ཡོད་མི་རུང་བར་བཤད་པ།

        2011-09-14

ལི་པུ་ཡཱའི་རྒྱལ་ཡོངས་བར་བརྒལ་ཨུ་ཡོན་ལྷན་ཁང་གི་ཀྲུའུ་ཞི་ཅཱ་ལེ་ལེ་ཡིས་ཚེས་བཅུ་གཉིས་ཉིན་བཤད་རྒྱུར། ལི་པུ་ཡཱ་རྒྱལ་ཁབ་གསར་བ་དེ་བཅའ་ཁྲིམས་དང་རྨང་གཞི། ཕན་བདེ་བཅས་ལྡན་པའི་རྒྱལ་ཁབ་ཅིག་ཏུ་འགྱུར་སྲིད་པས། གཡས་ཕྱོགས་དང་གཡོན་ཕྱོགས་ཀྱི་ཐལ་སྤྱོད་བསམ་བློ་གང་རུང་ཡོད་མི་རུང་ལ། དབྱི་སི་ལན་ཆོས་སྲོལ་དེ་རྒྱལ་ཁབ་ཀྱི་བཅའ་ཁྲིམས་འཛུགས་པའི་རྒྱབ་བརྟེན་གཙོ་བར་འགྱུར་ངེས་ཡིན་ཟེར།

ཅཱ་ལེ་ལེ་ཡིས་ཉིན་དེའི་དགོང་མོར་ཏི་ལེ་པོ་ལིའི་སྔོན་གཤེགས་དཔའ་བོའི་ཐང་ཆེན་ནས་བསྡུས་པའི་རྟེན་འབྲེལ་ཞུ་བའི་བྱ་འགུལ་སྟེང་གཏམ་བཤད་སྤེལ་ཏེ། ལི་པུ་ཡཱའི་མི་དམངས་ནི་མུའུ་སི་ལིན་མང་ཚོགས་ཡིན་ཞིང་། ང་ཚོའི་ཆོས་ལུགས་ནི་དབུ་མའི་ལུགས་ཡིན་ལ། ལངས་ཕྱོགས་དེ་ནམ་ཡང་སྲུང་འཛིན་བྱེད་རྒྱུ་ཡིན་པ་དང་། དབྱི་སི་ལན་ཆོས་སྲོལ་དེ་རྒྱལ་ཁབ་ཀྱི་བཅའ་ཁྲིམས་འཛུགས་པའི་རྒྱབ་བརྟེན་གཙོ་བོར་འགྱུར་སྲིད། ལི་པུ་ཡཱའི་མི་དམངས་ཀྱིས་མཉམ་དུ་གསར་བརྗེའི་གྲུབ་འབྲས་རྐུ་འཕྲོག་བྱེད་འདོད་པའི་མི་ལ་འགོག་རྒོལ་བྱེད་རྒྱུ་མ་ཟད། མཉམ་དུ་རྒྱལ་ཁབ་གཞན་པའི་ཕྱི་འབྲེལ་ཚོགས་ཁག་དང་མགྲོན་པོར་བསུ་བ་བྱེད་པར་གྲ་སྒྲིག་གང་ལེགས་བྱེད་དགོས་ཟེར།

ཅཱ་ལེ་ལེ་ཡིས་ད་རུང་བསྟན་དོན། མིག་སྔར་ལི་པུ་ཡཱའི་མི་དམངས་ཀྱི་རྒྱུ་ནོར་ལ་དོ་དམ་བཟང་བོ་བྱས་ཡོད་པ་དང་། འོས་འཚམ་གྱི་གནས་སུ་བཀོལ་བྱེད་རྒྱུ་ཡིན་ལ། འབྲེལ་ཡོད་ཀྱི་ལས་ཁུངས་བཙུགས་ནས་རྒྱུ་ནོར་དེ་ཞིབ་རྩིས་བྱེད་དགོས་པར་མ་ཟད་མི་དམངས་ཀྱི་ལྟ་རྟོག་དང་ལེན་བྱེད་དགོས་ཟེར།

ཚེས་བཅུ་གཉིས་ཉིན་གྱི་དགོང་མོར། ལི་པུ་ཡཱའི་མི་སྟོང་ཕྲག་འགས་ཏི་ལེ་པོ་ལི་གྲོང་ཁྱེར་ལྟེ་གནས་ཀྱི་སྔོན་གཤེགས་དཔའ་བོའི་ཐང་ཆེན་དུ་རྟེན་འབྲེལ་ཞུ་བའི་བྱ་འགུལ་སྤེལ། མི་རྣམས་ཀྱིས་ལི་པུ་ཡཱའི་གསར་བརྗེའི་དར་ཆ་བསྒྲེངས་ཤིང་ལི་པུ་ཡཱ་ལ་རང་དབང་ཐོབ་དགོས་ཞེས་པ་སོགས་ཀྱི་ཁ་དབྱངས་མཐོན་པོར་བསྒྲགས་ཏེ། རྒྱལ་སར་བཅིངས་འགྲོལ་ཐོབ་པར་དགའ་སྟོན་རྟེན་འབྲེལ་ཞུས།

  • ལེ་ཚན་སྔོན་མ།:ཨ་མེ་རི་ཁས་ནེ་ཀྲིར་རྒྱལ་ཁབ་ཀྱིས་ཁཱ་ཀྲ་ཧྥེ་ཡི་བུ་སཱ་ཨ་ཏིས་བཀག་འཇུག་བྱེད་རྒྱུ་ཡིན་པར་བཤད་པ།
  • ལེ་ཚན་རྗེས་མ།:བྱང་ཆིངས་རྩ་འཛུགས་ཀྱིས་ཁཱ་ཀྲ་ཧྥེ་ཡི་དམག་དཔུང་ལྷག་འཕྲོས་གྲོས་མོལ་བྱེད་འདོད་མེད་པར་བཤད་པ།
  • དོ་སྣང་ཆེ་བའི་རྩོམ།