ཁཱ་ཀྲ་ཧྥེ་ཡི་བུ་སཱ་ཨ་ཏིས་ནེ་ཀྲིར་རྒྱལ་ཁབ་ཏུ་སོང་བ་བདེན་དཔང་བྱས་ཡོད།

ཨ་མེ་རི་ཁའི་རྒྱལ་སྲིད་སྤྱི་ཁྱབ་ཁང་གི་མགྲིན་ཚབ་པ་ཉིག་ལན་གྱིས་ཚེས་བཅུ་གཉིས་ཉིན་བཤད་རྒྱུར། ནེ་ཀྲིར་སྲིད་གཞུང་གིས་ཁཱ་ཀྲ་ཧྥེ་ཡི་བུ་གསུམ་པ་སཱ་ཨ་ཏིས་ནེ་ཀྲིར་རྒྱལ་ཁབ་ཀྱི་མངའ་ཁོངས་སུ་ཡོང་བ་བདེན་དཔང་བྱས་པ་དང་། རྒྱལ་ཁབ་དེས་ཁོ་བཀག་འཇུག་བྱེད་རྩིས་ཡོད་ཟེར།

ཉིག་ལན་གྱིས་ཉིན་དེའི་རྒྱུན་ལྡན་གྱི་གསར་འགོད་པའི་སྣེ་ལེན་ཚོགས་འདུའི་སྟེང་བཤད་རྒྱུར། སཱ་ཨ་ཏིས་ནེ་ཀྲིར་རྒྱལ་ཁབ་ཀྱི་མངའ་ཁོངས་སུ་ཡོང་བའི་གནད་དོན་ལ་ང་ཚོས་ནེ་ཀྲིར་སྲིད་གཞུང་བར་ངོས་འཛིན་གསལ་བོ་བྱས་ཡོད་པ་དང་། ནེ་ཀྲིར་སྲིད་གཞུང་གིས་ཨ་སཱ་ཏིས་རྒྱལ་ས་ནེ་ཡཱ་མེ་རུ་ཁྲིད་ཡོང་ནས་བཀག་འཇུག་བྱེད་རྩིས་ཡོད་ཟེར།

ཉིག་ལན་གྱིས་བཤད་རྒྱུར། སཱ་ཨ་ཏིས་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་གྲོས་ཆོད་གཅིག་དགུ་བདུན་ཐིག་གི་བཀག་སྡོམ་མིང་ཐོའི་ནང་མེད་ཀྱང་། ནེ་ཀྲིར་སྲིད་གཞུང་གིས་ལི་པུ་ཡཱའི་རྒྱལ་ཡོངས་བར་བརྒལ་ཨུ་ཡོན་ལྷན་ཁང་ལ་བསྟན་དོན། ནེ་ཀྲིར་གྱི་མངའ་ཁོངས་སུ་ཡོང་བའི་ཁཱ་ཀྲ་ཧྥེ་ཡི་སྲིད་དབང་དཔོན་རིགས་ལ་ཐག་གཅོད་བྱེད་པའི་གནད་དོན་ཐད་ནས་རྒྱལ་ཡོངས་བར་བརྒལ་ཨུ་ཡོན་ལྷན་ཁང་བར་མཉམ་ལས་བྱེད་རྒྱུ་ཡིན་ཟེར།

ཁོ་མོས་ད་རུང་བསྟན་དོན། ཨ་མེ་རི་ཁ་རྒྱལ་ཁབ་ཀྱིས་ནེ་ཀྲིར་སྲིད་གཞུང་གིས་ལི་པུ་ཡཱའི་རྒྱལ་ཡོངས་བར་བརྒལ་ཨུ་ཡོན་ལྷན་ཁང་བར་མཉམ་ལས་བྱེད་པར་སྐུལ་མ་གཏོང་བཞིན་ཡོད་པ་དང་། རྒྱལ་ཡོངས་བར་བརྒལ་ཨུ་ཡོན་ལྷན་ཁང་གིས་འགུལ་བསྐྱོད་ག་འདྲ་སྤེལ་བར་བསམ་བློ་གཏོང་བཞིན་ཡོད་ཟེར།