ཨུ་རུ་སིའི་ཕྱི་འབྲེལ་པུའུ་ཡིས་ཚེས་བཅུ་གཉིས་ཉིན་སྤྱི་སྒྲོག་སྤེལ་ཏེ། ཨུ་རུ་སི་ཕྱོགས་ཀྱིས་སི་རི་ཡཱའི་དབང་འཛིན་ལས་ཁུངས་ཀྱིས་གང་མགྱོགས་སྒོས་ཁས་བླངས་པའི་བཅོས་བསྒྱུར་ཇུས་གཞི་ལག་བསྟར་བྱེད་དགོས་འདོད་བློ་བཏོན་ཡོད་ཟེར།

སྤྱི་སྒྲོག་ལས་བཤད་རྒྱུར། ཨུ་རུ་སིའི་ཕྱི་འབྲེལ་པུའུ་ཡི་པུའུ་ཀྲང་གཞོན་པ་པོ་ཀི་ཏན་ནོའུ་ཧྥུའུ་ཡིས་ཉིན་དེར་མའོ་སི་ཁོ་ནས་འཚམས་འདྲིར་ཡོང་བའི་སི་རི་ཡཱའི་ཙུང་ཐུང་གི་ཆེད་མངག་ཕོ་ཉ། སུ་རུ་སིའི་ཙུང་ཐུང་གི་ཆབ་སྲིད་དང་གསར་འགྱུར་བློ་འདོན་པ་ཧྲ་པན་ལ་ཐུག་འཕྲད་བྱས། པོ་ཀི་ཏན་ནོའུ་ཧྥུའུ་ཡིས་ཨུ་རུ་སིའི་ལངས་ཕྱོགས་ཏེ། སི་རི་ཡཱའི་དབང་འཛིན་ལས་ཁུངས་ཀྱིས་གང་མགྱོགས་སྒོས་བཅོས་བསྒྱུར་ཇུས་གཞི་ལག་བསྟར་བྱས་ནས། དམངས་གཙོ་དང་སྣེ་མང་ཅན། འགྲོ་མིའི་ཐོབ་ཐང་དང་རང་དབང་ལ་བརྩི་འཇོག་བྱེད་པ། ཕྱི་ཕྱོགས་སྟོབས་ཤུགས་ཀྱི་ཐེ་གཏོགས་མེད་པ་བཅས་ཀྱི་རྨང་གཞིའི་སྟེང་རྒྱལ་ཁབ་ཀྱི་ཆབ་སྲིད་དང་སྤྱི་ཚོགས་དཔལ་འབྱོར་གྱི་ཞི་བའི་བཅོས་བསྒྱུར་མངོན་འགྱུར་བྱེད་དགོས་པ་བསྐྱར་སྒྲོག་བྱས།