ཨུ་རུ་སིའི་ནུས་ཁུངས་པུའུ་ཀྲང་ཧྲི་མཱ་ཐི་ཁི་ཡིས་ཚེས་བཅུ་གཉིས་ཉིན་དབྱི་ལིང་ལྷོ་ཕྱོགས་ཀྱི་གྲུ་ཁའི་གྲོང་ཁྱེར་པུའུ་ཧྲི་ཨར་ནས་བཤད་རྒྱུར། ཨུ་རུ་སི་རྒྱལ་ཁབ་ཀྱིས་དབྱི་ལིང་ལ་རོགས་རམ་བྱས་ཏེ་ཉིང་རྡུལ་ནུས་པའི་གློག་འདོན་ས་ཚིགས་སྔར་ལས་མང་བོ་འཛུགས་སྐྲུན་བྱེད་པར་གྲ་སྒྲིག་བྱེད་བཞིན་ཡོད་ཟེར།བསྒྲགས་པའི་གནས་ཚུལ་ལྟར་ན། ཧྲི་མཱ་ཐི་ཁི་ཡིས་ཉིན་དེར་དབྱི་ལིང་གི་ཉིང་རྡུལ་ནུས་པའི་གློག་འདོན་ས་ཚིགས་ཐོག་མ་པུའུ་ཧྲི་ཨར་ཉིང་རྡུལ་ནུས་པའི་གློག་འདོན་ས་ཚིགས་ལེགས་འགྲུབ་བྱུང་བའི་མཛད་སྒོར་ཞུགས་སྐབས་བཤད་རྒྱུར། ཨུ་རུ་སི་རྒྱལ་ཁབ་ཀྱིས་ཉིང་རྡུལ་ནུས་པའི་གློག་འདོན་ས་ཚིགས་འཛུགས་སྐྲུན་བྱེད་པའི་ཐད་ཉམས་མྱོང་མང་བོ་བསགས་ཡོད་པ་དང་། དབྱི་ལིང་རྒྱལ་ཁབ་བར་མཉམ་ལས་བྱས་ཏེ་དབྱི་ལིང་གིས་ཉིང་རྡུལ་ནུས་པའི་གློག་འདོན་ས་ཚིགས་གསར་བ་འཛུགས་སྐྲུན་བྱེད་པར་རོགས་རམ་བྱེད་རྒྱུ་ཡིན་ཟེར།