དབྱི་ལིང་དབྱི་སི་ལན་གསར་བརྗེའི་འགོག་སྲུང་རུ་ཁག་གིས་ཚེས་བདུན་ཉིན་དྲ་ཚིགས་སྟེང་ཁྱབ་སྒྲོག་བྱས་དོན། དབྱི་ལིང་གིས་ཁུའུ་ཨར་ཏི་སི་ཐན་རང་དབང་འཚོ་བའི་ཏང་གི་དྲག་ཆས་པའི་མགོ་བ་གཙོ་བོ་གཉིས་པ་ཁཱ་ཝེ་ཨན་བསད་ཟེར།དབྱི་སི་ལན་གསར་བརྗེའི་འགོག་སྲུང་རུ་ཁག་གིས་བཤད་རྒྱུར། ཁཱ་ཝེ་ཨན་ནི་ཚེས་གསུམ་ཉིན་དབྱི་ལིང་ནུབ་བྱང་ཕྱོགས་ཀྱི་ཨ་སེ་པེད་ཅང་ནུབ་མ་ཞིང་ཆེན་གྱི་མངའ་ཁོངས་ནས་དབྱི་སི་ལན་གསར་བརྗེའི་འགོག་སྲུང་རུ་ཁག་གིས་སྒྱོགས་མདེལ་འགས་གཏོར་བཏང་སྟེ་བསད་པ་རེད་ཟེར། ཁཱ་ཝེ་ཨན་ཉིས་སྟོང་གསུམ་ལོར་ཁུའུ་ཨར་ཏི་བཟོ་བའི་ཏང་ནང་ཞུགས་པ་དང་། དེའི་རྗེས་སུ་ཁུའུ་ཨར་ཏི་སི་ཐན་རང་དབང་འཚོ་བའི་ཏང་ལ་ཞུགས་པ་རེད་ཟེར།དབྱི་ལིང་དམག་དཔུང་གིས་ཉེ་སྔོན་རྒྱལ་ཁབ་དེའི་ནུབ་བྱང་ཕྱོགས་ཀྱི་མཐའ་མཚམས་ས་ཁུལ་དུ་དམག་མི་སྟོང་ལྔ་ཙམ་བཀོད་སྒྲིག་བྱས་ཏེ། ཁུའུ་ཨར་ཏི་སི་ཐན་རང་དབང་འཚོ་བའི་ཏང་གི་དྲག་ཆས་པ་ཆམ་ཕབ་བཏང་། ཁུའུ་ཨར་ཏི་སི་ཐན་རང་དབང་འཚོ་བའི་ཏང་གི་དྲག་ཆས་པས་ཚེས་ལྔ་ཉིན་དབྱི་ལིང་སྲིད་གཞུང་ལ་འཁྲུག་རྩོད་མཚམས་འཇོག་པའི་གྲོས་གཞི་བཏོན་ཡང་དང་ལེན་མ་བྱས།དབྱི་ལིང་དཔོན་ཕྱོགས་ཀྱིས་ཚེས་ལྔ་ཉིན་བསྒྲགས་པའི་གནས་ཚུལ་ལྟར་ན། དབྱི་ལིང་གིས་ཉེ་སྔོན་བསྡོམས་པས་ཁུའུ་ཨར་སི་ཐན་རང་དབང་འཚོ་བའི་ཏང་གི་དྲག་ཆས་ཉེས་ཅན་ཉེར་གཉིས་བསད་པ་དང་། མི་ཉེར་བདུན་རྨས་ཟེར།