དབྱི་སི་རལ་གྱི་དམག་དཔུང་གིས་ཚེས་བདུན་ཉིན་གྱི་དགོང་མོར་ཅཱ་ཧྲའི་དབུས་ཕྱོགས་ས་ཁུལ་དུ་ཏའོ་ཏན་འཕུར་མདའ་ཞིག་འཕང་སྟེ། དམངས་སྤྱོད་ཀྱི་རླངས་འཁོར་ཆུང་བ་ཞིག་ལ་ཕོག་པ་དང་། རླངས་འཁོར་སྟེང་གི་དྲག་ཆས་མི་སྣ་གཅིག་རྐྱེན་ལམ་དུ་ཤོར་བ་དང་། གཞན་མི་གསུམ་ལ་རྨས་ཕོག་ཟེར།གནས་ཚུལ་ཤེས་མཁན་གྱིས་མཚམས་སྦྱོར་བྱས་པ་ལྟར་ན། རྐྱེན་ལམ་དུ་ཤོར་བ་དེ་ནི་ཕཱ་ལེ་སི་ཐན་དབྱི་སི་ལན་འཐབ་མཆོག་རྩ་འཛུགས་ཅེ་ཧཱ་ཏི་ཡི་ཁོངས་སུ་གཏོགས་པའི་དྲག་ཆས་ཕྱོགས་ཁག་གི་ཁོངས་མི་ཞིག་རེད་ཟེར།དབྱི་སི་རལ་གསར་འགྱུར་ལས་རིགས་ཀྱིས་ཚེས་བདུན་ཉིན་གྱི་སྔ་དྲོར་བསྒྲགས་པའི་གནས་ཚུལ་ལྟར་ན། ཅཱ་ཧྲ་ས་ཁུལ་ནས་འཕང་བའི་མེ་ཤུགས་འཕུར་མདའ་ཞིག་ཉིན་དེར་དབྱི་སི་རལ་ལྷོ་ཕྱོགས་ཀྱི་ཞི་ནེ་ཀའེ་ཧྥུའུ་ས་ཁུལ་དུ་ལྷུང་ཡང་མི་སྣ་ཤི་རྨས་བཟོས་མེད་ཟེར།