དབྱི་ལིང་རྒྱལ་ཡོངས་ཀྱི་ཆེས་ཆེ་བའི་རྡོ་སྣུམ་བཙོ་སྦྱངས་བཟོ་གྲྭ་སྟེ་ཨ་པཱ་ཏན་རྡོ་སྣུམ་བཙོ་སྦྱངས་བཟོ་གྲྭར་ཚེས་བདུན་ཉིན་གྱི་དགོང་མོར་མེ་སྐྱོན་བྱུང་སྟེ། བཟོ་བ་བཞི་ལ་རྨས་ཕོག་པ་རེད།

དབྱི་ལིང་གྲོས་ཁང་གི་ནུས་ཁུངས་ཨུ་ཡོན་ལྷན་ཁང་་གི་དཔོན་པོ་ཁཱ་པུས་ཀྱིས་བཤད་རྒྱུར། ཨ་པཱ་ཏན་རྡོ་སྣུམ་བཙོ་སྦྱངས་བཟོ་གྲྭའི་རྡོ་སྣུམ་ཐོན་སྐྱེད་བྱེད་པར་བཀོལ་བའི་སྒྲིག་ཆས་མེར་འབར་བ་དང་། མེ་གསོད་མི་སྣས་གང་ནུས་ཀྱིས་མེ་སྐྱོན་ལ་ཚོད་འཛིན་བྱེད་བཞིན་ཡོད་ཟེར།