ཐཱ་ཅི་ཁི་སི་ཐན་དུ་སྡོད་པའི་ཡོ་རོབ་གླིང་མནའ་འབྲེལ་གྱི་འཐུས་མི་ཁྲུའུ་ཡིས་ཚེས་ལྔ་ཉིན་གསར་འགྱུར་ལས་རིགས་ལ་བཤད་རྒྱུར། ཡོ་རོབ་གླིང་མནའ་འབྲེལ་གྱིས་ཉེ་སྔོན་ཐཱ་ཅི་ཁི་སི་ཐན་སྲིད་གཞུང་བར་ཐཱ་ཅི་ཁི་སི་ཐན་ལ་ཡོ་རོབ་གླིང་གི་སྒོར་མོ་བྱེ་བ་གཉིས་དང་ས་ཡ་དྲུག་གི་རོགས་སྐྱོར་མ་དངུལ་འདོན་སྤྲོད་བྱེད་པའི་གྲོས་མཐུན་བཀོད་ཡོད་ཟེར།གྲོས་མཐུན་དེ་ལྟར་ན། རོགས་སྐྱོར་མ་དངུལ་དེ་གཙོ་བོ་ཐཱ་ཅི་ཁི་སི་ཐན་རྒྱལ་ཁབ་ཀྱི་སྔོན་རྩིས་ལས་གཞི་ལ་རྒྱབ་སྐྱོར་བྱེད་པ་དང་། སྨན་བཅོས་ཞབས་ཞུའི་མ་ལག་དང་ལས་འཁྱུར་ངལ་གསོའི་མ་དངུལ་དོ་དམ་མ་ལག་གི་བཅོས་བསྒྱུར་ལ་ཡར་སྐུལ་བྱེད་པ། དེ་མིན་དམངས་ཁྲོད་ཚོགས་པར་རོགས་རམ་བྱེད་པ་སོགས་ཀྱི་ཐད་བཀོལ་རྒྱུ་རེད། དེའི་ནང་ཡོ་རོབ་གླིང་གི་སྒོར་མོ་བྱེ་བ་གཅིག་དང་ས་ཡ་བརྒྱད་ཐད་ཀར་དུ་ཐཱ་ཅི་ཁི་སི་ཐན་རྒྱལ་ཁབ་ཀྱི་སྔོན་རྩིས་འགྲོ་སོང་ནང་འཇོག་རྒྱུ་ཡིན་པ་དང་། ཡོ་རོབ་གླིང་གི་སྒོར་མོ་ས་ཡ་ལྔ་དང་འབུམ་ལྔ་འབྲེལ་ཡོད་ལས་ཁུངས་ཀྱི་བཅོས་བསྒྱུར་ལ་ཡར་སྐུལ་བྱེད་པའི་ཐད་བཀོལ་རྒྱུ་ཡིན་ལ། ཡོ་རོབ་གླིང་གི་སྒོར་མོ་ས་ཡ་གཉིས་དང་འབུམ་གཉིས་དམངས་ཁྲོད་ཚོགས་པའི་འཕེལ་རྒྱས་ཐད་བཀོལ་རྒྱུ་རེད།