ཝུ་ཀན་ཏཱའི་ཉེན་རྟོག་ཕྱོགས་ཀྱིས་ཚེས་ལྔ་ཉིན་བཤད་རྒྱུར། ཝུ་ཀན་ཏཱའི་དབུས་ཕྱོགས་ས་ཁུལ་དུ་ཚེས་ལྔ་ཉིན་གྱི་ཞོགས་པར་འགྲིམ་འགྲུལ་དོན་རྐྱེན་ཞིག་བྱུང་སྟེ། མི་གསུམ་རྐྱེན་ལམ་དུ་ཤོར་བ་དང་། མི་སོ་གསུམ་ལ་རྨས་ཕོག་ཟེར།ཝུ་ཀན་ཏཱའི་དབུས་ཕྱོགས་ས་ཁུལ་གྱི་ཉེན་རྟོག་པའི་མགྲིན་ཚབ་པ་ཅི་ཀི་ཆི་ཡིས་ཉིན་དེར་གསར་འགོད་པའི་ཁ་པར་བཅར་འདྲི་དང་ལེན་བྱེད་སྐབས་བཤད་རྒྱུར། ས་དེའི་ཚེས་ལྔ་ཉིན་གྱི་ཞོགས་པའི་དུས་ཚོད་བཞིའི་སྟེང་། ཝུ་ཀན་ཏཱའི་དབུས་ཕྱོགས་ཀྱི་ལུའུ་ཝེ་ལོ་ས་ཁུལ་ནས། སུའུ་ཏན་ལྷོ་མ་ནས་ཝུ་ཀན་ཏཱའི་རྒྱལ་ས་ཁན་ཕཱ་ལཱ་རུ་བགྲོད་པའི་ཝུ་ཀན་ཏཱའི་སྤྱི་སྤྱོད་རླངས་འཁོར་ཞིག་ལམ་འགྲམ་དུ་བསྡད་ཡོད་པའི་སོལ་འདྲུད་རླངས་འཁོར་ཞིག་ལ་ཐོ་བརྒྱབ་སྟེ། འགྲིམ་འགྲུལ་དོན་རྐྱེན་ཚབས་ཆེན་དེ་བྱུང་བ་རེད།