ནེ་ཀྲིར་རྒྱལ་ཁབ་ཀྱི་རྒྱལ་ས་ནེ་ཡཱ་མེ་ཡི་ཉེན་རྟོག་ཕྱོགས་ཀྱིས་ཚེས་ལྔ་ཉིན་གསར་འགྱུར་ལས་རིགས་ལ་བདེན་དཔང་བྱས་དོན། ལི་པུ་ཡཱའི་མགོ་ཁྲིད་པ་ཁཱ་ཀྲ་ཧྥེ་ཡི་བདེ་སྲུང་དམག་དཔུང་གི་དཔོན་པོ་མན་སུའུ་ཨར་གྱི་རླངས་འཁོར་རུ་ཁག་ཉིན་དེར་ནེ་ཀྲིར་རྒྱལ་ཁབ་ཀྱི་མངའ་ཁོངས་སུ་བསླེབས་ཡོད་ཟེར།ཉེན་རྟོག་ཕྱོགས་ཀྱི་མཐོ་རིམ་དཔོན་པོ་ཞིག་གིས་བཤད་རྒྱུར། མན་སུའུ་ཨར་གྱི་རླངས་འཁོར་རུ་ཁག་མིག་སྔར་ནེ་ཡཱ་མེ་ཕྱོགས་སུ་འགྲོ་བཞིན་ཡོད་པ་དང་། རི་ནེ་་ཝའི་སྤྱི་ཆིངས་ཀྱི་འབྲེལ་ཡོད་དོན་ཚན་ལྟར་ན། ནེ་ཀྲིར་རྒྱལ་ཁབ་ཀྱིས་ཡུལ་འཁྱམས་པའི་རེ་བ་དང་ལེན་བྱེད་མི་རུང་ཟེར།ལི་པུ་ཡཱའི་རྒྱལ་ཡོངས་བར་བརྒལ་ཨུ་ཡོན་ལྷན་ཁང་གི་དམག་ཕྱོགས་ཀྱི་མགྲིན་ཚབ་པས་དེའི་སྔོན་བསྟན་དོན། བསྒྲགས་པའི་གནས་ཚུལ་ལྟར་ན་ལི་པུ་ཡཱའི་མགོ་ཁྲིད་པ་ཁཱ་ཀྲ་ཧྥེ་ཡང་ནེ་ཀྲིར་རྒྱལ་ཁབ་ཏུ་འགྲོ་བར་གྲ་སྒྲིག་བྱེད་བཞིན་ཡོད་ཟེར།