ཨར་ཅི་རི་ཡཱའི་ཕྱི་འབྲེལ་བློན་ཆེན་གྱིས་ཚེས་ཉེར་དགུ་ཉིན་ཁྱབ་སྒྲོག་བྱས་དོན། ལི་པུ་ཡཱའི་མགོ་ཁྲིད་པ་ཁཱ་ཀྲ་ཧྥེ་ཡི་ལྕམ་མོ་དང་། བུ་གཉིས། དེ་མིན་བུ་མོ་གཅིག་བཅས་ཚེས་ཉེར་དགུ་ཉིན་བདེ་བླག་ངང་ལི་པུ་ཡཱ་དང་ཨར་ཅི་རི་ཡཱའི་རྒྱལ་མཚམས་བརྒལ་ཏེ་ཨར་ཅི་རི་ཡཱ་རྒྱལ་ཁབ་ཏུ་སོང་ཟེར། ཡིན་ན་ཡང་མིག་སྔར་ཁཱ་ཀྲ་ཧྥེ་གར་ཡོད་ཀྱི་གནས་ཚུལ་སྔར་བཞིན་གསལ་བོར་མི་ཤེས་ཟེར།གསལ་སྒྲོག་ཅིག་ལས་ཨར་ཅི་རི་ཡཱའི་ཕྱི་འབྲེལ་བློན་ཆེན་གྱིས་བཤད་རྒྱུར། ཁཱ་ཀྲ་ཧྥེ་ཡི་ལྕམ་མོ་སོ་ཧྥེ་ཡཱ་དང་། ཁོའི་བུ་མོ་ཨ་དབྱེ་ཧྲ། དེ་མིན་བུ་མུའུ་ཧན་མའོ་ཏི་དང་ཧན་ནེ་པཱ་ཨར། བུ་དང་བུ་མོ་རང་རང་གི་བྱིས་པ་བཅས་ཉིན་དེའི་ཞོགས་པའི་དུས་ཚོད་བརྒྱད་དང་སྐར་མ་ཞེ་ལྔའི་སྟེང་ལི་པུ་ཡཱ་དང་ཨར་ཅི་རི་ཡཱའི་རྒྱལ་མཚམས་བརྒལ་ཏེ་ཨར་ཅི་རི་ཡཱ་རྒྱལ་ཁབ་ཏུ་ཡོང་བ་རེད་ཟེར།ཡིན་ཡང་གསལ་སྒྲོག་དེ་ལས་ཁཱ་ཀྲ་ཧྥེ་མིག་སྔར་གར་ཡོད་དང་འཚོ་བའི་གནས་ཚུལ་སོགས་གླེང་མེད།