ཅོར་ཏན་གྱི་ཕྱི་འབྲེལ་བློན་ཆེན་གྱིས་ཕཱ་ལེ་སི་ཐན་དང་དབྱི་སི་རལ་ཕྱོགས་གཉིས་ཀྱིས་ཞི་བའི་གྲོས་མོལ་སླར་གསོ་བྱེད་དགོས་པའི་འབོད་སྐུལ་བཏང་བ།

2011-08-31

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཅོར་ཏན་གྱི་ཕྱི་འབྲེལ་བློན་ཆེན་ཀྲུའུ་ཏཱ་ཡིས་ཚེས29ཉིན་ཕཱ་ལེ་སི་ཐན་དང་དབྱི་སི་རལ་གྱིས་རྒྱལ་ཁབ་གཉིས་ཀྱི་ཇུས་གཞི་རྨང་གཞིར་བྱས་ཏེ་ཞི་བའི་གྲོས་མོལ་སླར་གསོ་བྱས་ནས། །མཇུག་མཐར་ཕཱ་ལེ་སི་ཐན་དང་དབྱི་སི་རལ་གྱི་གནད་དོན་ཐག་གཅོད་བྱེད་དགོས་པའི་འབོད་སྐུལ་བཏང་།

ཀྲུའུ་ཏཱ་ཡིས་ཉིན་དེར་ཅོར་ཏན་གྱི་རྒྱལ་ས་ཨན་མན་ནས་འཚམས་འདྲིར་ཡོང་བའི་ཡོ་རོབ་གླིང་མནའ་འབྲེལ་གྱི་ཕྱི་འབྲེལ་དང་བདེ་འཇགས་སྲིད་ཇུས་ཀྱི་མཐོ་རིམ་འཐུས་མི་ཨ་ཧྲི་ཏོན་ལ་ཐུག་འཕྲད་བྱེད་སྐབས་བསྟན་དོན། ཕཱ་ལེ་སི་ཐན་དང་དབྱི་སི་རལ་ཕྱོགས་གཉིས་ཀྱིས་རྒྱལ་ཁབ་གཉིས་ཀྱི་ཇུས་གཞི་རྨང་གཞིར་བྱས་ཏེ་ཞི་བའི་གྲོས་མོལ་སླར་གསོ་བྱེད་པ་དང་། 1967ལོའི་འཐབ་འཁྲུག་སྔོན་གྱི་རྒྱལ་མཚམས་གཞིར་བཟུང་ཞིང་ཡེ་ལུའུ་སཱ་ལེམ་ཤར་མ་རྒྱལ་སར་བྱས་པའི་ཕཱ་ལེ་སི་ཐན་རྒྱལ་ཁབ་འཛུགས་དགོས་ཟེར།

ཀྲུའུ་ཏཱ་ཡིས་ད་རུང་ཡོ་རོབ་གླིང་མནའ་འབྲེལ་གྱིས་ཀྲུང་ཏུང་གནད་དོན་གྱི་འབྲེལ་ཡོད་ཕྱོགས་བཞིའི་ཁྱབ་ཁོངས་ནང་ཕཱ་ལེ་སི་ཐན་དང་དབྱི་སི་རལ་གྱི་ཞི་བའི་འཕེལ་རིམ་ལ་སྐུལ་འདེད་གཏོང་བར་ནུས་པ་སྔར་ལས་ཆེན་པོ་འདོན་དགོས་ཟེར།

ཨ་ཧྲི་ཏོན་གྱིས་ནན་གྱིས་བསྟན་དོན། ཕཱ་ལེ་ས་ཐན་དང་དབྱི་སི་རལ་ཕྱོགས་གཉིས་ལ་སྔར་ལས་གནོན་ཤུགས་བྱིན་ཏེ་ཕྱོགས་གཉིས་ཀྱིས་ཞི་བའི་གྲོས་མོལ་སླར་གསོ་བྱེད་པར་ཡར་སྐུལ་བྱེད་པའི་དགོས་པ་ཡོད་ཟེར།

རྒྱུས་ལོན་བྱུང་བའི་གནས་ཚུལ་ལྟར་ན། ཨ་ཧྲི་ཏོན་གྱིས་ཉེ་སྔོན་ཕཱ་ལེ་སི་ཐན་དང་དབྱི་སི་རལ་དུ་འཚམས་འདྲི་བྱས་པ་དང་། ཕཱ་ལེ་སི་ཐན་མི་རིགས་དབང་ཤུགས་ལས་ཁུངས་ཀྱི་ཀྲུའུ་ཞི་ཨ་པཱ་སི་དང་དབྱི་སི་རལ་གྱི་ཙུང་ལི་ནེ་ཐཱ་ནི་ཡཱ་ཧུའུ་གཉིས་དང་མཉམ་དུ་ས་ཁུལ་གྱི་གནས་བབ་ཐད་ནས་བསམ་འཆར་བརྗེ་རེས་བྱས། །

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10