ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨ་ཧྥེ་རི་ཁ་མནའ་འབྲེལ་གྱིས་ཚེས29ཉིན་ལི་པུ་ཡཱའི་དྲག་ཆས་འཁྲུག་རྩོད་མཇུག་སྒྲིལ་ནས། ལི་པུ་ཡཱའི་མི་དམངས་ཀྱི་དཀའ་སྡུག་མེད་པར་གཏོང་དགོས་པའི་འབོད་སྐུལ་བཏང་།

ཨ་ཧྥེ་རི་ཁ་མནའ་འབྲེལ་ཨུ་ཡོན་ལྷན་ཁང་གི་ཀྲུའུ་ཞི་རང་ཕེན་གྱིས་ཉིན་དེར་ཡཱ་ཏི་སི་ཡཱ་པེད་པཱ་རུ་ཡོད་པའི་ཨ་ཧྥེ་རི་ཁ་མནའ་འབྲེལ་གྱི་སྤྱི་ཁྱབ་པུའུ་ནས་བསྡུས་པའི་གསར་འགྱུར་སྒྲོག་སྤེལ་ཚོགས་འདུའི་སྟེང་བཤད་རྒྱུར། ལི་པུ་ཡཱའི་རྒྱལ་ཡོངས་བར་བརྒལ་ཨུ་ཡོན་ལྷན་ཁང་གིས་གཞུང་སྒྲུབ་བྱེད་ས་དེ་པན་ཅཱ་ཞི་ནས་ཏི་ལེ་པོ་ལི་རུ་སྤར་ནས་སྲིད་འཛིན་མགོ་བརྩམས་པར་གཞིགས་ཏེ། ཨ་ཧྥེ་རི་ཁ་མནའ་འབྲེལ་གྱིས་གང་མགྱོགས་སྒོས་ལི་པུ་ཡཱའི་འཐབ་འཁྲུག་མཇུག་སྒྲིལ་དགོས་པའི་འབོད་སྐུལ་བཏང་། རང་ཕེན་གྱིས་ནན་གྱིས་བསྟན་དོན། གལ་ཏེ་འཁྲུག་རྩོད་མུ་མཐུད་དུ་རྒྱ་ཡན་དུ་སོང་ན། ལི་པུ་ཡཱའི་མི་དམངས་ཀྱིས་དཀའ་སྡུག་སྔར་ལས་ཆེན་པོ་མྱོང་ངེས་རེད་ཟེར།རང་ཕེན་གྱིས་བསྟན་དོན། ཨ་ཧྥེ་རི་ཁ་མནའ་འབྲེལ་གྱིས་ལི་པུ་ཡཱའི་བར་བརྒལ་སྲིད་གཞུང་གིས་སྔོན་ཆད་ཀྱི་སྲིད་དབང་གི་ཨ་ཧྥེ་རི་ཁ་མནའ་འབྲེལ་གྱི་གོ་གནས་ཚབ་ལེན་བྱེད་པར་དང་ལེན་བྱེད་རྒྱུའི་གྲ་སྒྲིག་བྱས་ཡོད་ཟེར།

ཨ་ཧྥེ་རི་ཁ་མནའ་འབྲེལ་གྱིས་ཚེས26ཉིན་སྤྱི་སྒྲོག་སྤེལ་ཏེ། ལི་པུ་ཡཱའི་འབྲེལ་ཡོད་ཕྱོགས་ཀྱིས་གང་མགྱོགས་སྒོས་འཐུབ་ཚབ་རང་བཞིན་ཆེན་པོ་ལྡན་པའི་བར་བརྒལ་སྲིད་གཞུང་འཛུགས་དགོས་པའི་རེ་བ་བཏོན་མྱོང་། །