ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ8པའི་ཚེས25ཉིན་ཀྲུང་གོ་དང་འཇར་པན་རྒྱལ་ཁབ་གཉིས་ཀྱི་གཞོན་ནུའི་བར་ཕན་ཚུན་བསམ་ཤེས་བྱེད་རྒྱུར་ཤུགས་སྣོན་དང་ཞི་བདེ་དང་མཛའ་གྲོགས་ལ་སྐུལ་འདེད་གཏོང་ཆེད་འཇར་པན་ཕྱི་དོན་པུས་མངགས་བཅོལ་དང་རི་པིན་དང་ཀྲུང་གོའི་མཛའ་གྲོགས་ཁང་གིས་གདན་ཞུ་བྱས་པའི2011ལོའི་ལོ་འཁོར་གྱི་ཀྲུང་གོའི་གཞོན་ནུའི་འཐུས་མི་ཚོགས་པ་ཁག་གཉིས་པའི་ཐོན་ཡོན400ལྷག་གིས་འཇར་པན་དུ་དུས་ཡུན་གཟའ་འཁོར་གཅིག་རིང་གི་སྤེལ་རེས་འཚམས་འདྲི་བྱེད་འགོ་བརྩམས་པ་དང་། འཐུས་མི་ཚོགས་པའི་ཁོངས་མི་རྣམས་གཞུང་ལས་པ་དང་། དཔལ་འབྱོར། སྨན་བཅོས། སྨྱན་སྦྱོར། ཚན་རྩལ། རིག་རྩལ་སོགས་ཀྱི་ལས་དོན་པ་སོགས་ཡན་ལག་ཚོགས་ཆུང་དགུར་ཕྱེ་ནས་ཏུང་ཅིང་དང་། ཧྲན་ཤིན། ཅིན་ཀང་སོགས་ས་ཁུལ་སོ་སོར་འཚམས་འདྲི་དང་སློབ་སྦྱོང་བྱས་ཏེ་རི་པིན་གྱི་ཆབ་སྲིད་དང་། དཔལ་འབྱོར། རིག་གནས། སྤྱི་ཚོགས་བཅས་ལ་རྒྱུས་ལོན་གཏིང་ཟབ་བྱེད་རྒྱུ་རེད།  །