འཇར་པན་ཐུན་མོང་འཕྲིན་གཏོང་ཁང་གིས་ཚེས་ཉེར་ལྔ་ཉིན་བསྒྲགས་པའི་གནས་ཚུལ་ལྟར་ན། ཨུ་རུ་སི་རྒྱལ་ཕྲན་མཉམ་འབྲེལ་བདེ་འཇགས་ཅུའུ་ཡི་མཐའ་སྲུང་ཉེན་རྟོག་ཕྱོགས་ཀྱིས་ཉིན་དེར་བྱང་གི་གླིང་ཕྲན་བཞིའི་མཚོ་ཁོངས་ནས་བཀག་ཉར་བྱས་པའི་འཇར་པན་གྱི་སྐྱེས་པ་དེ་ཕྱིར་བཏང་ཟེར།བསྒྲགས་པའི་གནས་ཚུལ་ལྟར་ན། ཨུ་རུ་སི་ཕྱོགས་ཀྱིས་ཉིན་དེའི་ཕྱི་དྲོར་པེ་ཧེ་ཏའོ་ཡི་མཚོ་ཁོངས་ནས་འཇར་པན་ཕྱོགས་ལ་ཁྲིམས་འགལ་གྱིས་ཨུ་རུ་སིའི་མངའ་ཁོངས་སུ་སོང་བར་བཤད་པའི་འཇར་པན་གྱི་སྐྱེས་པ་དེ་བརྒྱུད་སྤྲོད་བྱས། སྐྱེས་པ་དེ་འཇར་པན་ལིག་ཁྱིག་སློབ་ཆེན་གསོ་རིག་སྡེ་ཁག་གི་སློབ་མ་ཡིན་པ་དང་། ལུས་ཕུང་གནས་ཚུལ་ཅུང་བཟང་ཟེར།ཨུ་རུ་སིའི་ཕྱོགས་ཀྱི་དཔོན་རིགས་ཀྱིས་བཤད་རྒྱུར། སྐྱེས་པ་དེ་པེ་ཧེ་ཏའོ་བང་ཙིག་གྲོང་ཁྱེར་ནས་གྲུ་ཆུང་ལ་བསྡད་དེ་ཀྲི་ཁྲོང་ཕྱེད་གླིང་གི་མཚོ་ཁོངས་སུ་སོང་བ་དང་། རྒྱ་མཚོའི་རླབས་རྒྱུན་དྲག་པོས་གོ་ཧིག་གླིང་ཕྲན་བྱང་ཕྱོགས་ཀྱི་མཚོ་ཁོངས་སུ་འཁྱེར་བ་ཡིན་ལ། ཁོར་ཁྲིམས་དང་འགལ་བའི་སྒོ་ནས་ཨུ་རུ་སིའི་མངའ་ཁོངས་སུ་འགྲོ་རྩིས་མེད་ཟེར།