ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨུ་རུའི་སུའི་མོ་སི་ཁོ་གཙང་པོའི་ཐོག་སྒེར་གྱི་སྤྲོ་གསེང་གཏོང་བྱེད་ཀྱི་གྲུ་གཟིངས་ཆུང་ཆུང་ཞིག་ཚེས31ཉིན་འདྲུད་གྲུ་ཞིག་དང་རྡུང་ཁ་ཤོར་ནས་ཆུའི་ནང་དིམ་པ་རེད། ཨུ་རུ་སུ་བརྟག་དཔྱད་ཨུ་ཡོན་ལྷན་ཁང་གི་མགྲིན་ཚབ་པ་མའར་ཅིན་གྱིས་བཤད་པར་གཞིགས་ན། སྐབས་དེ་དུས་གྲུ་གཟིངས་ཐོག་མི16བླུགས་ཡོད་པ་དང་མི7བསྐྱབས་པ་དང་དེ་མིན་མི9རྐྱེན་ལམ་དུ་ཤོར་ཞིང་། མིག་སྔར་ཆུ་ནས་འདོན་པའི་ལས་མཇུག་འགྲིལ་བ་དང་སྤྲོ་གསེང་གཏོང་བྱེད་ཀྱི་གྲུ་གཟིངས་དེ་འདེགས་འཁོར་གྱིས་ཆུ་ངོགས་སུ་སྟོན་ཡོད། གྲུ་གཟིངས་དེ་བཟོ་ཞིག་ནས་སྔར་གྱི་རྣམ་པའི་ཤུལ་ཙམ་ཡང་བསྡད་མེད་པ་རེད།གྲུ་གཟིངས་གཉིས་རྡུང་ཁ་ཤོར་བའི་ཡིད་སྐྱོ་བའི་གནས་ཚུལ་དེ་མོ་སི་ཁོའི་དུས་ཚོད་ཟླ7པའི་ཚེས31ཉིན་གྱི་ཐོ་རེངས་སུ་ཐོན་པ་དང་། སྤྲོ་གསེང་གཏོང་བྱེད་ཀྱི་གྲུ་གཟིངས་དེ་ཏུན་གྲངས་ཐེག་ཚད་ཆུང་རྐྱེན་རྡུང་ཁ་ཤོར་རྗེས་ཆུའི་ནང་དིམ་པ་ཞིག་རེད། མའར་ཅིན་གྱིས་ཆག་སྒོ་བྱུང་བའི་གྲུ་གཟིངས་དེའི་རྐྱེན་ལམ་དུ་ཤོར་བའི་གྲུ་དཔོན་དང་གྲུ་གཏོང་མཁན་གཅིག་ལྕོགས་དེས་བདེ་འཇགས་ཀྱི་ཚད་གཞི་ལས་རྒྱབ་འགལ་བྱས་པ་དེ་ཕལ་ཆེར་ལས་འཛོལ་ཐོན་པའི་རྒྱུ་རྐྱེན་གཙོ་བོ་ཞིག་རེད། སྤྲོ་གསེང་གཏོང་བྱེད་ཀྱི་གྲུ་གཟིངས་དེའི་གྲུ་དཔོན་དེར་འདི་ལོ་ཤོང་ཚད་ལས་བརྒལ་ནས་བདེ་འཇགས་ཀྱི་ཚད་གཞི་དང་རྒྱབ་འགལ་བྱས་རྐྱེན་ཆད་པ་ཐེངས་གསུམ་བཏང་ཡོད། སྤྲོ་གསེང་གཏོང་བྱེད་ཀྱི་གྲུ་གཟིངས་དེའི་ཇུས་བཀོད་བྱས་པའི་གཤོངས་ཚད་མི་གྲངས12ལ་མི་བརྒལ་བ་བྱ་རྒྱུ་དེ་རེད་ཅེས་བཤད།ཨུ་རུ་སུ་བརྟག་དཔྱད་ཨུ་ཡོན་ལྷན་ཁང་གིས་ལས་འཛོལ་དེ་ཉེས་དོན་གྱོ ད་ཁོངས་སུ་བཅུག་ཡོད་པ་རེད།  །