དབྱི་རག་ཉེན་རྟོག་ཕྱོགས་ཀྱིས་ཚེས་ཉེར་བདུན་ཉིན་བཤད་རྒྱུར། དབྱི་རག་བྱང་ཕྱོགས་ཀྱི་མིང་བཤད་མི་འདོད་པའི་དབྱི་རག་ཉེན་རྟོག་མི་སྣ་ཞིག་གིས་ཞིན་ཧྭ་གསར་འགྱུར་ཁང་གི་ཁ་པར་བཅར་འདྲི་དང་ལེན་བྱེད་སྐབས་བཤད་རྒྱུར། བྱང་ཕྱོགས་ཀྱི་ནེ་ཝེ་ཞིང་ཆེན་གྱི་ལྟེ་གནས་གྲོང་ཁྱེར་མའོ་སུའུ་ཨར་ཉེ་འདབས་ནས་ཚེས་ཉེར་བདུན་ཉིན་རླངས་འཁོར་འགས་གཏོར་དོན་རྐྱེན་བྱུང་སྟེ། མི་གསུམ་རྐྱེན་ལམ་དུ་ཤོར་བ་དང་། མི་གསུམ་ལ་རྨས་ཕོག རྨས་མའི་ཁྲོད་ཉེན་རྟོག་པ་གཉིས་ཡོད་ཟེར།
 ཉིན་དེར་ད་རུང་ཐོབ་ཐང་གསལ་བོར་མི་ཤེས་པའི་མི་ཞིག་གིས་ཤར་ཕྱོགས་ཀྱི་ཏིས་ཡཱ་ལཱ་ཞིང་ཆེན་གྱི་ལྟེ་གནས་གྲོང་ཁྱེར་པཱ་ཀུའུ་པེད་ཉེ་འདབས་ས་ཁུལ་ནས་ཕ་བུ་གཉིས་ལ་མེ་མདས་བརྒྱབ་སྟེ། ཕ་བསད་པ་དང་། བུ་ལ་རྨས་ཕོག
 པཱ་ཀུའུ་པེད་ཉེ་འདབས་ས་ཁུལ་ནས་ཉིན་དེར་བྱུང་བའི་མེ་མདས་བརྒྱབ་པའི་དོན་རྐྱེན་ཁྲོད། ཞོང་ནེ་ཡཱའི་དྲག་ཆས་རྩ་འཛུགས་ཀྱི་ཁོངས་མི་ཞིག་ཐོབ་ཐང་གསལ་བོར་མི་ཤེས་པའི་མི་ཞིག་གིས་རྨས།