འཇར་པན་གྱི་དབུ་བཞུགས་བློན་ཆེན་ཅན་ཀྲི་རིན་གྱིས་ཚེས་ཉེར་བདུན་ཉིན་གྱི་དགོང་མོར་ཁྱབ་སྒྲོག་བྱས་དོན། ཁོས་ནེ་ཀི་རྩ་འཛུགས་བྱེད་རྒྱུ་ཐག་བཅད། ཉིང་རྡུལ་ནུས་པའི་དོན་རྐྱེན་ཐག་གཅོད་ཀྱི་འགན་འཁུར་བའི་བློན་ཆེན་དང་གནོད་འཚེ་སྔོན་འགོག་གི་འགན་འཁུར་བའི་བློན་ཆེན། བསྐྱར་དར་གྱི་འགན་འཁུར་བའི་བློན་ཆེན་བཅས་ཀྱི་ལས་གནས་ཁ་སྣོན་བྱས་ཡོད་པར་མ་ཟད། བློན་ཆེན་མང་བོའི་ལས་བགོས་ལེགས་སྒྲིག་བྱས་ཡོད།
 ཅན་ཀྲི་རིན་གྱིས་ཉིན་དེའི་དགོང་མོར་གསར་འགྱུར་སྒྲོག་སྤེལ་ཚོགས་འདུ་བསྡུས་ཏེ། ཉིང་རྡུལ་ནུས་པའི་དོན་རྐྱེན་ཐག་གཅོད་ཀྱི་འགན་འཁུར་བའི་བློན་ཆེན་གྱི་ལས་འགན་དེ་ལོ་སོ་དགུ་ཅན་གྱི་ད་ལྟའི་དབུ་བཞུགས་བློན་ཆེན་གྱི་ལས་རོགས་པ་ཞི་ཡེ་ཧའོ་ཀྲི་ཡིས་འཁུར་རྒྱུ་དང་། ད་ལྟའི་གནོད་འཚེ་སྔོན་འགོག་གི་བློན་ཆེན་སུང་པིན་ལུང་གིས་ཞོར་དུ་བསྐྱར་དར་བློན་ཆེན་གྱི་ལས་འགན་འཁུར་རྒྱུ་ཡིན་ལ། སྔོན་ཆད་སུང་པིན་ལུང་གིས་ཞོར་དུ་འགན་འཁུར་བའི་ཁོར་ཡུག་བློན་ཆེན་གྱི་ལས་འགན་དེ་ཁྲིམས་དོན་བློན་ཆེན་ཅང་ཐེན་བུའུ་ཡོ་ཡིས་ཞོར་དུ་འགན་འཁུར་རྒྱུ་ཡིན་ཟེར།
 ཅན་ཀྲི་རིན་གྱིས་བཤད་རྒྱུར། ནེ་ཀིའི་བློན་ཆེན་གྱི་མི་གྲངས་ཚད་བཀག་གིས་དབང་གིས་ད་ལྟའི་སྲིད་འཛིན་བཅོས་བསྒྱུར་གྱི་འགན་འཁུར་བའི་བློན་ཆེན་ལིན་ཧྥང་ནེ་ཀིའི་གྲས་ནས་ཕྱིར་བུད་ནས་སྲིད་འཛིན་བཅོས་བསྒྱུར་གྱི་འགན་འཁུར་བའི་དབུ་བཞུགས་བློན་ཆེན་གྱི་ལས་རོགས་པའི་འགན་ཁུར་རྒྱུ་དང་། སྲིད་འཛིན་བཅོས་བསྒྱུར་གྱི་བློན་ཆེན་དེ་ནེ་ཀིའི་ཁོངས་མི་ཀྲི་ཡེ་ཞིན་ནན་གྱིས་ཞོར་དུ་འགན་འཁུར་རྒྱུ་ཡིན་ཟེར།