དབྱི་ཐ་ལི་གཅིག་གྱུར་བྱས་ཏེ་ལོ་འཁོར་བརྒྱ་དང་ལྔ་བཅུ་འཁོར་བར་རྟེན་འབྲེལ་ཞུ་བའི་མཛད་སྒོ་ཞུགས་པ་དང་དབྱི་ཐ་ལི་ལ་དངོས་གཞིའི་འཚམས་འདྲི་མཛད་པར་ཕེབས་པའི་རྒྱལ་ཁབ་ཀྱི་ཀྲུའུ་ཞི་གཞོན་པ་ཞི་ཅིན་ཕེན་གྱིས་ཟླ་དྲུག་པའི་ཚེས་གཅིག་ཉིན་དབྱི་ཐ་ལིའི་ཙུང་ཐུང་ན་པོ་ལེ་ཐ་ནོ་ལ་མཇལ་འཕྲད་གནང་།
 ཞི་ཅིན་ཕེན་གྱིས་གསུངས་རྒྱུར། དབྱི་ཐ་ལི་ནི་ཡོ་རོབ་གླིང་མནའ་འབྲེལ་གྱི་ཁོངས་གཏོགས་རྒྱལ་ཁབ་གལ་ཆེན་ཡིན་པ་དང་། ཀྲུང་གོ་དང་དབྱི་ཐ་ལིའི་འབྲེལ་བ་ནི་ཀྲུང་གོ་དང་ཡོ་རོབ་གླིང་མནའ་འབྲེལ་གྱི་རྒྱལ་ཁབ་བར་གྱི་ཆེས་བརྟན་འཇགས་ཀྱི་འབྲེལ་བ་ཞིག་ཡིན། ཡུན་རིང་པོར་ཕྱོགས་གཉིས་ཀྱིས་བར་ཆད་སེལ་ཏེ་བརྗེ་རེས་དང་མཉམས་ལས་འབྲེལ་བ་བསྟུད་མར་གོང་འཕེལ་དུ་བཏང་། ཉེ་བའི་ལོ་འགའི་རིང་ལ་ཕྱོགས་གཉིས་ཀྱི་ཆབ་སྲིད་དང་དཔལ་འབྱོར། རིག་གནས་བཅས་ཐད་ཀྱི་བརྗེ་རེས་དང་མཉམ་ལས་གོང་འཕེལ་བཟང་པོ་བྱུང་བ་དང་། ཕྱོགས་གཉིས་ཀྱིས་རྒྱལ་སྤྱིའི་ལས་དོན་ཁྲོད་ནས་གཞོགས་འདེགས་དང་འབྲེལ་འདྲིས་བཟང་པོ་བྱས་ཟེར།
 ཞི་ཅིན་ཕེན་གྱིས་གསུངས་རྒྱུར། ཀྲུང་གོ་དང་དབྱི་ཐ་ལིའི་འབྲེལ་བར་མུ་མཐུད་ཤུགས་སྣོན་པ་ནི་ཕྱོགས་གཉིས་ཀྱི་ཐུན་མོང་གི་ཁེ་ཕན་དང་མཐུན་པས། ཀྲུང་གོས་ཕན་ཚུན་བར་གྱི་རྒྱུས་ལོན་དང་ཡིད་ཆེས་ཇེ་ཟབ་ཏུ་གཏོང་བ་དང་། དཔལ་འབྱོར་ཉོ་ཚོང་དང་ཚན་རྩལ། ཁོར་ཡུག་སྲུང་སྐྱོབ་སོགས་ཁྱབ་ཁོངས་ཀྱི་མཉམ་ལས་ཇེ་ཟབ་ཏུ་བཏང་ཞིང་། རིག་གནས་བརྗེ་རེས་ལ་ཤུགས་སྣོན་པ་དང་། རྒྱལ་སྤྱིའི་ལས་དོན་ཁྲོད་ད་གཞོགས་འདེགས་དམ་པོ་བྱས་ཏེ་། རྒྱལ་ཁབ་གཉིས་ཀྱི་མི་དམངས་ལ་བདེ་སྐྱིད་བསྐྲུན་འདོད་ཡོད་ཟེར།
 ཙུང་ཐུང་ན་པོ་ལེ་ཐ་ནོ་ཡིས་དབྱི་ཐ་ལི་ཡིས་ཀྲུང་གོའི་བར་གྱི་ཕྱོགས་ཡོངས་ཀྱི་མཉམ་ལས་ལ་སྔར་ལས་ཤུགས་བསྣན་ཏེ། དབྱི་ཐ་ལི་དང་ཀྲུང་གོའི་འབྲེལ་བ་དང་ཡོ་རོབ་གླིང་མནའ་འབྲེལ་དང་ཀྲུང་གོའི་འབྲེལ་བ་གོང་འཕེལ་དུ་གཏོང་བ་དང་། འཛམ་གླིང་གི་ཞི་བདེ་དང་དར་རྒྱས་ལ་ཡར་སྐུལ་གཏོང་བར་བྱས་རྗེས་འཇོག་འདོད་ཡོད་ཅེས་བཤད།