ཧིན་རྡུ་ཉི་ཞི་ཡ་རྒྱལ་ཁབ་ལ་ཚེས་ཉེར་དགུ་ཉིན་གྱི་ཞོགས་པར་བསྟུད་མར་ཚད་རིམ་དྲུག་ཡན་གྱི་ས་འགུལ་བྱུང་བ་དང་། ད་སྔ་མི་སྣར་ཤི་རྨས་དང་རྒྱུ་ནོར་ལ་གྱོང་གུད་ཐེབས་པའི་གནས་ཚུལ་བསྒྲགས་མེད།
 ཧིན་རྡུ་ཉི་ཞི་ཡའི་གནམ་གཤིས་ནམ་ཟླ་གོ་ལའི་དངོས་ཁམས་ཅུའུ་ཡི་དྲ་ཚིགས་སྟེང་བསྒྲགས་པའི་ཆ་འཕྲིན་ལྟར་ན། ས་དེའི་ཚེས་ཉེར་དགུ་ཉིན་གྱི་ནམ་གུང་གི་དུས་ཚོད་བཅུ་གཉིས་དང་སྐར་མ་བདུན་གྱི་སྟེང་། ཧིན་རྡུ་ཉི་ཞི་ཡའི་སུའུ་མིན་ཏ་ལ་གླིང་ཚོམས་ཉེ་འདབས་ཀྱི་མཚོ་ཁོངས་ལ་ཚད་རིམ་དྲུག་གྲངས་ཆུང་གསུམ་གྱི་ས་འགུལ་བྱུང་བ་དང་། ས་འགུལ་བྱུང་ས་གཙོ་བོ་ནི་ནན་ཕང་ཞིང་ཆེན་ཁི་ལུའུ་དབྱི་ས་ཁུལ་གྱི་ལྷོ་ནུབ་ཕྱོགས་ཀྱི་སྤྱི་ལེ་བརྒྱ་དང་བཅུ་དགུའི་མཚམས་ཀྱི་མཚོ་ཁོངས་ཡིན་ལ། ས་འགུལ་བྱུང་སའི་གཏིང་ཚད་ལ་སྤྱི་ལེ་བཅུ་ཡོད་ཟེར།
 གཞན་ཡང་ཧིན་རྡུ་ཉི་ཞི་ཡའི་དབུས་ཕྱོགས་ཀྱི་སུའུ་ལ་ཝེ་ཞི་ཞིང་ཆེན་བྱང་མའི་ཉེ་འདབས་ཀྱི་མཚོ་ཁོངས་སུ་ས་དེའི་ཚེས་ཉེར་དགུ་ཉིན་གྱི་དུས་ཚོད་བཞི་དང་སྐར་མ་བཅུ་བདུན་སྟེང་ཚད་རིམ་དྲུག་གི་ས་འགུལ་བྱུང་བ་དང་། ས་འགུལ་བྱུང་ས་གཙོ་བོ་ནི་ཐ་ལའོ་གླིང་ཚོམས་གྱི་མེ་ལུང་བཀའ་ས་ཆའི་ཤར་བྱང་ཕྱོགས་ཀྱི་སྤྱི་ལེ་ཉིས་བརྒྱ་དང་ཉེར་གཉིས་མཚམས་ཀྱི་མཚོ་ཁོངས་ཡིན་ལ། ས་འགུལ་བྱུང་སའི་གཏིང་ཚད་ལ་སྤྱི་ལེ་ཞེ་གསུམ་ཡོད་ཟེར།