ཕོ་ལན་རྒྱལ་ཁབ་ཀྱི་ཙུང་ཐུང་ཁི་མོ་ལོ་ཧྥུའུ་སི་ཅི་དང་ཙུང་ལི་ཐུའུ་སི་ཁི་གཉིས་ཀྱིས་ཚེས་ཉེར་བརྒྱད་ཉིན་ཕོ་ལན་ལ་འཚམས་འདྲི་བྱེད་བཞིན་པའི་ཨ་མེ་རི་ཁའི་ཙུང་ཐུང་ཨོ་པ་མ་ལ་ཐུག་འཕྲད་བྱས་ཏེ། ས་ཁུལ་གྱི་གནས་བབ་དང་ཕྱོགས་གཉིས་ཀྱི་དཔལ་འབྱོར་མཉམ་ལས་དང་བདེ་འཇགས་སོགས་གནད་དོན་ཐད་ནས་བསམ་ཚུལ་བརྗེ་རེས་བྱས།
 ཕོ་ལན་ཕྱི་འབྲེལ་པུའུ་ཡིས་བཤད་པ་ལྟར་ན། ཨོ་པ་མ་ཡིས་ཁི་མོ་ལོ་ཧྥུའུ་སི་ཅི་ལ་ཐུག་འཕྲད་བྱེད་སྐབས། ཨ་མེ་རི་ཁས་ཕོ་ལན་གྱིས་ད་ལོའི་ལོ་སྨད་ལ་ཡོ་རོབ་གླིང་མནའ་འབྲེལ་གྱི་རེས་སྐོར་ཀྲུའུ་ཞི་རྒྱལ་ཁབ་ཀྱི་འགན་ཁུར་བར་རྒྱབ་སྐྱོར་བྱེད་རྒྱུ་ཡིན་ཞེས་བཤད་ཟེར། ཁི་མོ་ལོ་ཧྥུའུ་སི་ཅི་ཡིས་བཤད་རྒྱུར། ཕྱོགས་གཉིས་ཀྱིས་བྱང་ཆིངས་དང་ཡོ་རོབ་གླིང་མནའ་འབྲེལ་གྱིས་མུ་མཐུད་སྒོ་འབྱེད་པའི་སྲིད་ཇུས་དང་། བྱང་ཆིངས་ཀྱི་པར་ཀན་ས་ཁུལ་དང་། ཨ་ཧྥུའུ་ཧན། དབྱི་རག ལི་པི་ཡ་བཅས་ཀྱི་དམག་དོན་འགུལ་སྐྱོད་ཐད་ནས་བསམ་ཚུལ་བརྗེ་རེས་བྱས་པ་ཡིན་ཟེར།
 ཨོ་པ་མ་དང་ཐུའུ་སི་ཁི་གཉིས་ཀྱིས་ཨ་ཧྥུའུ་ཧན་གྱི་གནས་བབ་དང་དཔལ་འབྱོར་ཉོ་ཚོང་མཉམ་ལས། དག་གཙང་ནུས་ཁུངས་མཉམ་ལས། ཉིང་རྡུལ་ནུས་པའི་མཉམ་ལས་སོགས་ཀྱི་གནད་དོན་ཐད་ནས་གྲོས་སྡུར་བྱས།