ཨ་མེ་རི་ཁའི་ཙུང་ཐུང་ཨོ་པཱ་མཱ་ཡིས་ཚེས་བཞི་ཉིན་ཉིས་སྟོང་བཅུ་གཉིས་ལོའི་ཙུང་ཐུང་འདེམ་བསྐོ་ལ་ཞུགས་རྒྱུ་ཁྱབ་སྒྲོག་བྱས་པར་མ་ཟད། རྒྱལ་ཕྲན་མཉམ་འབྲེལ་འདེམ་བསྐོ་ཨུ་ཡོན་ལྷན་ཁང་ལ་འདེམ་བསྐོའི་འགྲན་རྩོད་ལ་ཞུགས་པའི་དངོས་གཞིའི་ཡིག་ཆ་སྤྲོད་རྒྱུ་ཡིན་ཟེར།
 ཨོ་པཱ་མཱ་ཡིས་ཉིན་དེར་མི་སྒེར་གྱི་དྲ་ཚིགས་བརྒྱུད་དེ་ཁོའི་རྒྱབ་སྐྱོར་མཁན་ལ་གློག་རྡུལ་འཕྲིན་ཡིག་བསྐུར་ཏེ། ཉིས་སྟོང་བཅུ་གཉིས་ལོའི་ཙུང་ཐུང་འདེམ་བསྐོར་དངོས་སུ་ཞུགས་རྒྱུའི་གྲོས་ཆོད་ཁྱབ་སྒྲོག་བྱས།
 ཨོ་པཱ་མཱ་ཡིས་ཙུང་ཐུང་འདེམ་བསྐོ་ལ་ཞུགས་པའི་ཐོ་འགོད་འགྲོ་ལུགས་སྒྲུབས་རྗེས་མ་དངུལ་བསྡུ་རྒྱུ་ཡིན་པ་དང་། ཨ་མེ་རི་ཁའི་ཆབ་སྲིད་དབྱེ་ཞིབ་པ་ཚོས་ཚོད་དཔག་བྱས་ན། ཨོ་པཱ་མཱ་ཡིས་འགྲན་རྩོད་ཀྱི་མ་དངུལ་ཨ་མེ་རི་ཁའི་སྒོར་མོ་དུང་ཕྱུར་བཅུ་བསྡུ་ཐུབ་པའི་རེ་བ་ཡོད་ཟེར།
 ཨོ་པཱ་མཱ་ཡོད་སའི་དམངས་གཙོ་ཏང་གིས་མི་གཞན་པས་ཉིས་སྟོང་བཅུ་གཉིས་ལོའི་ཙུང་ཐུང་འདེམ་བསྐོ་ལ་ཞུགས་རྒྱུ་གསལ་བོར་བཤད་མེད་ལ། སྤྱི་མཐུན་ཏང་ནང་དུ་མིག་སྔར་སུས་ཀྱང་འདེམ་བསྐོའི་འགྲན་རྩོད་ལ་ཞུགས་རྒྱུའི་ཆོད་དོན་བསྒྲགས་མེད་ཟེར།