ཡོ་རོབ་གླིང་མནའ་འབྲེལ་གྱིས་ཚེས་བཞི་ཉིན་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་གྲོས་ཆོད་གཅིག་དགུ་བདུན་ཐིག་དང་གཅིག་དགུ་བདུན་གསུམ་ལྟར་དུ། ལི་པུ་ཡཱའི་གནས་བབ་ཐག་གཅོད་པའི་ཞི་བདེ་སྲུང་སྐྱོང་དམག་དཔུང་འཛུགས་རྒྱུ་ཐག་བཅད།
 ཡོ་རོབ་གླིང་ཨུ་ཡོན་ལྷན་ཁང་གིས་ཉིན་དེར་སྤེལ་བའི་སྤྱི་སྒྲོག་ལས། ཡོ་རོབ་གླིང་མནའ་འབྲེལ་གྱི་ལི་པུ་ཡཱའི་ཞི་བདེ་སྲུང་སྐྱོང་དམག་དཔུང་གིས་དུས་ངེས་མེད་དུ་མཉམ་འབྲེལ་རྒྱལ་ཚོགས་ཀྱི་མི་ཆོས་རིང་ལུགས་ལས་དོན་མཐུན་སྦྱོར་ཧྲུའུ་ཡི་རེ་འདོད་ལྟར། ལི་པུ་ཡཱ་རྒྱལ་ཁབ་ལ་མི་ཆོས་རོགས་སྐྱོར་འགུལ་བསྐྱོད་སྤེལ་བར་གྲ་སྒྲིག་བྱས་ཡོད་པ་དང་། འགུལ་བསྐྱོད་དེའི་དམིགས་ཡུལ་ནི་དམིགས་བསལ་གྱི་བྱེད་ཐབས་ལ་བརྟེན་ནས་ཡུལ་གྱར་བ་རྣམས་བདེ་བླག་ངང་ཕྱིར་འཐེན་བྱེད་པར་འགན་སྲུང་བྱེད་རྒྱུ་དང་། མི་ཆོས་རིང་ལུགས་ཀྱི་རོགས་སྐྱོར་བྱ་འགུལ་སྤེལ་བའི་ཆེད་དུ་ཡིན་ཟེར།
 ཡོ་རོབ་གླིང་མནའ་འབྲེལ་གྱི་ལི་པུ་ཡཱའི་ཞི་བདེ་སྲུང་སྐྱོང་དམག་དཔུང་སི་ལིན་པུའུ་རོ་མཱ་རུ་བཙུགས་ཡོད་པ་དང་། དམག་སྤྱི་ཆེན་མོ་ནི་དབྱི་ཐཱ་ལིའི་ཀའོ་ཏིས་ཨོ་ཞི་ཡིན་ལ། ཚོད་དཔག་བྱས་ན་དམག་མི་དྲུག་བརྒྱ་ནས་སྟོང་གཅིག་དང་ལྔ་བརྒྱ་ཡོད་པ་རེད།
 ཡོ་རོབ་གླིང་མནའ་འབྲེལ་གྱི་ལི་པུ་ཡཱའི་ཞི་བདེ་སྲུང་སྐྱོང་དམག་དཔུང་ནི་ཡོ་རོབ་གླིང་མནའ་འབྲེལ་གྱིས་ལོ་ངོ་བཅུའི་རིང་ཐུན་མོང་གི་ཕྱི་འབྲེལ་དང་བདེ་འཇགས་སྲིད་ཀྱི་ཁྱབ་ཁོངས་ནང་བཙུགས་པའི་ཞི་བདེ་སྲུང་སྐྱོང་དམག་དཔུང་བཞི་བ་རེད།