ཁྲའོ་ཞན་གྱི་ཆེས་མཐོའི་མགོ་ཁྲིད་པ་ཅིན་ཀྲིན་རི་ཡིས་ཉེ་སྔོན་གསར་དུ་བཙུགས་པའི་ནན་ཕུའུ་ཤེལ་དམ་བཟོ་གྲྭར་རྟོག་ཞིབ་བྱེད་སྐབས། ཁྲའོ་ཞན་མི་དམངས་ཀྱིས་དུས་ནམ་ཡང་རང་སྟོབས་རང་སྤེལ་གྱི་སྙིང་སྟོབས་དར་སྤེལ་བྱེད་དགོས་ལ། རང་ཉིད་ཀྱི་སྟོབས་ཤུགས་ལ་བརྟེན་ནས་གནད་དོན་ཡོད་ཚད་ཐག་གཅོད་བྱེད་དགོས་པ་ནན་བཤད་བྱས།
 ཁྲའོ་ཞན་ཀྲུང་དབྱང་འཕྲིན་གཏོང་ཁང་གིས་ཚེས་བཅུ་གཉིས་ཉིན་བསྒྲགས་པའི་གནས་ཚུལ་ལྟར་ན། ཅིན་ཀྲིན་རི་ཡིས་རྟོག་ཞིབ་བྱེད་སྐབས་བཟོ་གྲྭ་དེའི་འཛུགས་སྐྲུན་གནས་ཚུལ་དང་ལག་རྩལ་སྒྲིག་ཆས། ཐོན་སྐྱེད་གནས་ཚུལ་བཅས་ལ་རྒྱུས་ལོན་ཞིབ་མོ་བྱས། ཁོས་འཛུགས་སྐྲུན་མཁན་རྣམས་ཀྱིས་རང་ཉིད་ཀྱི་སྒྲིག་ཆས་དང་ལག་རྩལ། སྟོབས་ཤུགས་བཅས་ལ་བརྟེན་ནས་དུས་ཡུན་ཐུང་ངུའི་ནང་དེང་རབས་ཅན་གྱི་ཤེལ་དམ་བཟོ་གྲྭ་འཛུགས་སྐྲུན་བྱས་པར་ཧ་ཅང་ཡིད་ཚིམས་པའི་ཚུལ་བསྟན། ཁོས་བཟོ་གྲྭ་དེས་རྒྱལ་ཁབ་རང་གི་ཕུན་སུམ་ཚོགས་པའི་རྒྱུ་ཆར་བརྟེན་ནས་ཐོན་སྐྱེད་བྱས་པ་དང་། བཟོ་གྲྭ་དེའི་ཐོན་སྐྱེད་མདུན་ལྗོངས་དང་དཔལ་འབྱོར་གྱི་ཕན་འབྲས་ཧ་ཅང་བཟང་བོ་ཡོད་ཟེར།