ཨ་ཧྥུའུ་ཧན་ཤར་ཕྱོགས་ཀྱི་ཕཱ་ཁི་ཐིས་ཁཱ་ཞིང་ཆེན་གྱི་པཱ་ཨར་མཱ་ཨར་ས་ཁུལ་ནས་ཚེས་ཉེར་དགུ་ཉིན་རང་སྲོག་གཅོད་པའི་འགས་གཏོར་འཇབ་རྒོལ་དོན་རྐྱེན་བྱུང་སྟེ། མི་གསུམ་རྐྱེན་ལམ་དུ་ཤོར་བ་དང་མི་བདུན་ལ་རྨས་ཕོག
 ཕཱ་ཁི་ཐིས་ཁཱ་ཞིང་ཆེན་གྱི་ཉེན་རྟོག་པའི་སྤྱི་ལྟ་སྐུལ་བ་ཀྲ་ཏི་ལན་གྱིས་བཤད་རྒྱུར། ཉིན་དེའི་ཉིན་གུང་དུས་ཚོད་བཅུ་གཉིས་དང་སྐར་མ་བཅོ་ལྔའི་ཡས་མས་སུ། པཱ་ཨར་མཱ་ཨར་ས་ཁུལ་གྱི་ཀུན་འདུས་ཁྲོམ་ར་ཞིག་ནས་རང་སྲོག་གཅོད་པའི་འཇབ་རྒོལ་མཁན་ཞིག་གིས་ཨ་ཧྥུའུ་ཧན་གྱི་རྒྱལ་དམངས་དམག་མི་འགའི་ཉེ་འདབས་ནས་རང་ལུས་ཀྱི་འགད་རྫས་འགས་གཏོར་བཏང་སྟེ། དམག་མི་གཉིས་རྐྱེན་ལམ་དུ་ཤོར་བ་དང་། གཞན་དམག་མི་གཉིས་དང་མི་སེར་དཀྱུས་མ་ལྔ་ལ་རྨས་ཕོག འཇབ་རྒོལ་མཁན་ཡང་རྐྱེན་ལམ་དུ་ཤོར་བ་རེད་ཟེར།
 ཀྲ་ཏི་ལན་གྱིས་བཤད་རྒྱུར། སྐབས་དེར་རྒྱལ་དམངས་དམག་མི་དེ་དག་གིས་ཀུན་འདུས་ཁྲོམ་ར་དེར་དངོས་པོ་ཉོ་རྩིས་ཡོད་པ་རེད། མིག་སྔར་རྨས་མའི་གནས་ཚུལ་ཅུང་བཟང་།
 མིག་སྔའི་བར་དུ་ཨ་ཧྥུའུ་ཧན་གྱི་ཐཱ་ལེ་པན་དྲག་ཆས་རྩ་འཛུགས་ཀྱིས་འགས་གཏོར་འཇབ་རྒོལ་དོན་རྐྱེན་དེར་རྣམ་འགྱུར་ཅི་ཡང་མ་བསྟན།