ཚེས་སུམ་ཅུ་ཉིན་གྱི་དུས་ཚོད་ལྔ་དང་སྐར་མ་ཉེར་དགུའི་སྟེང་། ཡོ་རོབ་གླིང་ཨ་ལོས་ཡཱ་ནཱ་མེ་ཤུགས་འཕུར་མདའ་རྣམ་པ་ལྔ་བས་འཕྲིན་གཏོང་འཁོར་སྐར་གཉིས་དྲུད་དེ་ཧྥ་རན་སིའི་མངའ་ཁོངས་སུ་གཏོགས་པའི་ཀོས་ཡཱ་ནཱ་ཁུའུ་ལུའུ་མཁའ་འགྲུལ་གཏོང་འཕེན་ལྟེ་གནས་ནས་བར་སྣང་དུ་འཕུར།
 ཡོ་རོབ་གླིང་ཨ་ལོས་ཡཱ་ནཱ་བར་སྣང་ཀུང་ཟིས་བསྒྲགས་པའི་གནས་ཚུལ་ལྟར་ན། མེ་ཤུགས་འཕུར་མདའ་དེས་གཏོང་འཕེན་བྱས་པ་ནི་སི་ཕེན་འཁོར་སྐར་ཀུང་ཟིའི་འཕྲིན་གཏོང་འཁོར་སྐར་དང་ཧན་གོའི་གློག་འཕྲིན་ཀུང་ཟིའི་འཁོར་སྐར་གཉིས་རེད། བར་སྣང་དུ་འཕུར་ནས་སོ་སོར་སྐར་མ་ཉེར་བདུན་དང་སྐར་མ་སོ་བཞི་འགོར་རྗེས། འཁོར་སྐར་གཉིས་སྔ་གཞུག་ཏུ་མེ་ཤུགས་འཕུར་མདའ་དང་ཁ་གྱེས་ནས་གནས་སྐབས་ཀྱི་འཁོར་ལམ་དུ་ཞུགས། འཆར་གཞི་ལྟར་ན་འཁོར་སྐར་དེ་གཉིས་ཉིན་འགའི་རྗེས་སུ་ས་གོ་ལ་དང་མཉམ་པའི་འཁོར་ལམ་དུ་ཞུགས་རྒྱུ་རེད།