འཕེལ་རྒྱས་ཀྱི་གྲུབ་འབྲས་མི་དམངས་ལོངས་སྤྱོད་བྱེད་དུ་འཇུག་པ་བཅས་རྒྱུན་འཁྱོངས་བྱེད་དགོས་ཞེས་གསུངས་པ་དེས་ཀྲུང་གོ་གུང་ཁྲན་ཏང་གི་མི་གཙོ་བོར་འཛིན་པ་དང་དམངས་ཀྱི་ཆེད་དུ་སྲིད་འཛིན་པའི་ཀུན་སློང་མངོན་པར་མཚོན་ཞིང་། མི་དམངས་སྲིད་གྲོས་བྱ་བར་ཧ་ཅང་མཐོང་ཆེན་གནང་བ་མཚོན་ཡོད། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་འབྲེལ་ཡོད་སྡེ་ཁག་གི་འགན་འཁུར་བློ་མཐུན་གྱིས་ཚོགས་ཆེན་གྱི་གཏམ་བཤད་ལ་ཉན་པ་དང་ཚན་ཆུང་གི་གྲོས་སྡུར་ལ་ཞུགས་ཤིང་། ཆེས་མཐོ་མི་དམངས་ཁྲིམས་ཁང་དང་ཆེས་མཐོ་མི་དམངས་ཞིབ་དཔྱོད་ཁང་གི་འགན་འཁུར་བློ་མཐུན་གྱིས་ཨུ་ཡོན་གྱི་གོང་གི་ལས་ཁུངས་གཉིས་ཀྱི་བྱ་བའི་སྙན་ཞུའི་ཐད་ཀྱི་བསམ་འཆར་ལ་ཉན་ཏེ། ཚང་མས་ཚོགས་ཆེན་བཟང་པོར་བསྡུ་བ་དང་སྲིད་གྲོས་བྱ་བ་སྒྲུབ་པར་རྒྱབ་སྐྱོར་ཆེན་པོ་གནང་ཡོད་ཟེར།  ཅ་ཆིན་ལིན་གྱིས་གསུངས་རྒྱུར། ཚོགས་འདུའི་སྐབས་སུ་ཨུ་ཡོན་རྣམ་པས་མི་དམངས་ཀྱི་མངགས་བཅོལ་ཡིད་ལ་དམ་པོར་བཟུང་སྟེ། དུས་རབས་ཀྱི་འཕེལ་ཕྱོགས་ཁོང་དུ་ཆུད་པར་བྱས་པ་དང་། དམངས་གཙོའི་གྲོས་མོལ་གྱི་གོམས་སྲོལ་དར་སྤེལ་བྱས་ཏེ། སྲིད་གཞུང་བྱ་བའི་སྙན་ཞུ་དང་སྲིད་གྲོས་རྒྱུན་ལས་ཨུ་ཡོན་ལྷན་ཁང་གི་བྱ་བའི་སྙན་ཞུ། འབྲེལ་ཡོད་སྙན་ཞུ་བཅས་ལ་གྲོས་སྡུར་ཟབ་མོ་བྱས་ཤིང་། ཆེ་ཕྱོགས་སྙོམས་སྒྲིག་ཚོད་འཛིན་ལ་ཤུགས་སྣོན་དང་ལེགས་བཅོས་བྱེད་པ་དང་། དཔལ་འབྱོར་འཕེོལ་སྟངས་མྱུར་དུ་བསྒྱུར་བ། དམངས་འཚོར་འགན་སྲུང་དང་ལེགས་བཅོས་བྱེད་པ། བཅོས་སྒྱུར་སྒོ་འབྱེད་གཏིང་ཟབ་ཏུ་སྤེལ་བ། རིག་གནས་འཛུགས་སྐྲུན་ལ་ཤུགས་སྣོན་པ། སྤྱི་ཚོགས་དོ་དམ་གསར་སྐྲུན་དང་མི་དམངས་སྲིད་གྲོས་ཀྱི་ལས་དོན་སྤེལ་བ་སོགས་ཐད་ལ་རིན་ཐང་ལྡན་པའི་བསམ་འཆར་དང་གྲོས་གཞི་མང་པོ་བཏོན་པ་དང་། དེས་མི་དམངས་སྲིད་གྲོས་ཀྱིས་དཀྱིལ་སྙིང་ལ་དམིགས་པ་དང་ཆེ་ཕྱོགས་ལ་ཞབས་འདེགས་ཞུ་བའི་འགྱུར་མེད་ཀྱི་འཚོལ་སྙེག་མངོན་པར་མཚོན་ཞིང་། སྲིད་གྲོས་ཨུ་ཡོན་གྱིས་རྒྱལ་ཁབ་ཀྱི་ཆེད་དུ་འགན་འཁུར་བ་དང་དམངས་ཀྱི་ཆེད་དུ་ལས་འགན་ལག་བསྟར་བྱེད་པའི་དུས་རབས་ཀྱི་རང་གཤིས་ལྷང་ངེར་མཚོན་ཡོད་ཟེར།
  ཅ་ཆིན་ལིན་གྱིས་བསྟན་དོན། ད་ལོ་ནི་ལོ་ལྔའི་འཆར་གཞི་བཅུ་གཉིས་པ་ལག་བསྟར་བྱེད་པའི་སྔ་མཐུན་རྗེས་སྐྱོང་གི་ལོ་གལ་ཆེན་ཞིག་ཡིན་ལ། སྐབས་འདིའི་སྲིད་གྲོས་ཀྱི་འགན་འཁུར་ཡུན་གྱི་ཆེས་མཇུག་མཐའི་ལོ་ཡང་ཡིན། མི་དམངས་སྲིད་གྲོས་ནི་སྔར་སྲོལ་རྗེས་སྐྱོང་དང་འཕེལ་རྒྱས་ཉམས་མེད་ཀྱི་ལས་དོན་ཞིག་ཡིན་པས། རྒྱ་ཆེའི་ཨུ་ཡོན་རྣམ་པས་ནམ་ཡིན་ཡང་ཞུམ་མེད་ཀྱི་སྙིང་སྟོབས་བཅངས་ཏེ། གོ་སྐབས་དང་གཟི་བརྗིད་ལ་ལྡབ་འགྱུར་གྱིས་གཅེས་སྤྲས་བྱེད་པ་དང་། ལྷག་བསམ་སྔར་ལས་དཀར་པོས་འགན་ནུས་ལག་བསྟར་བྱས་ཤིང་། འབད་པ་སྔར་ལས་ཆེན་པོས་གསར་སྤེལ་གསར་གཏོད་བྱས་ཏེ། རྒྱལ་ཁབ་དང་མི་དམངས་ཀྱི་ཆེད་དུ་འཇོག་འོས་པའི་བྱས་རྗེས་བཟང་པོ་འཇོག་དགོས་ཟེར།  ཅ་ཆིན་ལིན་གྱིས་མཇུག་མཐར་གསུངས་རྒྱུར། ང་ཚོས་བློ་མཐུན་ཧུའུ་ཅིན་ཐའོ་སྤྱི་ཁྱབ་ཧྲུའུ་ཅི་ཡིན་པའི་ཀྲུང་གུང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་ལས་དམ་པོ་བྱས་ཏེ། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་རླབས་ཆེན་དར་ཆ་མཐོན་པོར་སྒྲེང་པ་དང་། ཏིན་ཞའོ་ཕེན་གྱི་རིགས་པའི་གཞུང་ལུགས་དང་མཚོན་བྱེད་གསུམ་གྱི་དགོངས་པ་གལ་ཆེན་མཛུབ་སྟོན་དུ་བཟུང་ཞིང་། ཚན་རིག་གི་འཕེལ་རྒྱས་ལྟ་བ་ལག་བསྟར་ཟབ་མོ་བྱས་ཏེ། འབྱོར་འབྲིང་སྤྱི་ཚོགས་ཕྱོགས་ཡོངས་ནས་འཛུགས་སྐྲུན་བྱེད་པ་དང་། བཅོས་སྒྱུར་སྒོ་འབྱེད་དང་སྤྱི་ཚོགས་རིང་ལུགས་དེང་རབས་ཅན་ལས་དོན་མྱུར་དུ་སྤེལ་བར་སྔར་ལས་ཆེ་བའི་བྱས་རྗེས་གསར་བ་འཇོག་དགོས་ཟེར།   ཚོགས་ཆེན་རྔམ་བརྗིད་ལྡན་པའི་རྒྱལ་གླུའི་ཁྲོད་ནས་གྲོལ།  །