གོམ་གང་མདུན་སྤོས་ཀྱིས་དངོས་མིན་ཤུལ་བཞག་རིག་གནས་ཐོན་སྐྱེད་ཀྱི་ཚུལ་དུ་སྲུང་སྐྱོབ་བྱེད་པར་སྐུལ་འདེད་གཏོང་ཆེད་དང་། དངོས་མིན་ཤུལ་བཞག་རིག་གནས་སྲུང་སྐྱོབ་དང་རྒྱུད་འཛིན་བྱེད་པར་ཤུགས་སྣོན་པའི་ཆེད་དུ། 《རིག་གནས་པུའུ་ཡི་གཞུང་ལས་ཐིང་གི་རྒྱལ་ཁབ་རིམ་པའི་དངོས་མིན་ཤུལ་བཞག་རིག་གནས་ཐོན་སྐྱེད་ཀྱི་ཚུལ་དུ་སྲུང་སྐྱོབ་བྱེད་པའི་དཔེ་མཚོན་གནས་གཞི་འཛུགས་སྐྲུན་བྱེད་པའི་བརྡ་ཡིག》གི་རེ་བ་ལྟར། ས་ཁུལ་སོ་སོ་ཡིས་མཚམས་སྦྱོར་བྱས་པའི་རྨང་གཞིའི་སྟེང་དུ། ཆེད་ལས་དཔྱད་འདེམས་པ་རྩ་འཛུགས་བྱས་ཏེ། ས་གནས་དངོས་སུ་ཕེབས་ནས་རྟོག་ཞིབ་བྱས་པ་དང་། དཔྱད་འདེམས་ཨུ་ཡོན་ལྷན་ཚོགས་ཀྱིས་དཔྱད་བསྡུར་ཚོགས་འདུ་འཚོགས་པ་སོགས་ཀྱི་གོ་རིམ་བརྒྱུད་མཐར། རྒྱལ་ཁབ་རིམ་པའི་དངོས་མིན་ཤུལ་བཞག་རིག་གནས་ཐོན་སྐྱེད་ཀྱི་ཚུལ་དུ་སྲུང་སྐྱོབ་བྱེད་པའི་དཔེ་མཚོན་གནས་གཞི་སྐོར་དང་པོའི་མིང་ཐོ་སྤྱི་བསྒྲགས་གཏན་འབེབས་བྱས་པ་རེད།