སྤྱི་ཚོགས་འགན་སྲུང་སོགས་ཀྱི་དམངས་ཕན་ལས་གྲྭ་འཛུགས་སྐྲུན་སྲ་བརྟན་ངང་སྐུལ་འདེད་བཏང་ནས་བོད་ལྗོངས་མི་རིགས་ཁག་གི་མང་ཚོགས་ལ་ཁེ་ཕན་མང་པོ་ཐོབ་ཏུ་འཇུག་དགོས།   གསུམ་པ་ནི་ཐོག་མཐའ་བར་གསུམ་དུ་རྒྱལ་ཁབ་ཀྱིས་རོགས་སྐྱོར་དང་རང་ཉིད་འཕེལ་རྒྱས་ཀྱི་ནུས་པ་མཐོ་འདེགས་གཏོང་བར་ཕན་ཚུན་ཟུང་འབྲེལ་བྱས་ཏེ་ཁ་གཏད་རོགས་སྐྱོར་དང་མཉམ་ཕན་མཉམ་ལས་ཕན་ཚན་སྐུལ་སྤེལ་ཡོང་བར་རྒྱུན་འཁྱོངས་བྱེད་དགོས།   མཉམ་ལས་བྱེད་པའི་མི་མངོན་པའི་ནུས་ཤུགས་ཧུར་བརྩོན་གྱིས་སྔོག་འདོན་བྱེད་ཅིང་།   མཉམ་ལས་ཀྱི་ཁྱབ་ཁོངས་ཇེ་ཆེར་གཏོང་བ།   མཉམ་ལས་ཀྱི་ཆུ་ཚད་ཇེ་མཐོར་གཏོང་བ་བཅས་བྱས་ཏེ་ཕན་ཚུན་མཉམ་ཕན་མཉམ་ཁེ་དང་ཐུན་མོང་འཕེལ་རྒྱས་མངོན་འགྱུར་ཡོང་བར་འབད་བརྩོན་བྱེད་དགོས།   བཞི་པ་ནི་ཐོག་མཐའ་བར་གསུམ་དུ་ལས་བྱེད་པའི་ཁ་གཏད་རོགས་སྐྱོར་ལས་དོན་ལ་ཤུགས་སྣོན་རྒྱག་དགོས།   བོད་ལྗོངས་ཀྱི་ཁ་གཏད་རོགས་སྐྱོར་ལས་འགན་ཁུར་བའི་འབྲེལ་ཡོད་ཀྱི་ས་ཁུལ་དང་སྡེ་ཁག་གིས་གསོ་སྐྱོང་མདུན་ལམ་ལྡན་པའི་འཇོན་ལྡན་མི་སྣ་དང་རྗེས་སྣོན་ལས་བྱེད་པ་རྣམས་འདེམས་བསྐོ་བྱས་ཏེ་ཁ་གཏད་རོགས་སྐྱོར་གྱི་ལས་ཀའི་ལག་ལེན་ཁྲོད་དུ་སྙིང་སྟོབས་སྦྱོང་བརྡར་དང་།  ཡོན་ཏན་ཆེར་བསྐྱེད།  འཇོན་ནུས་ཇེ་ཆེར་བཅས་ཡོང་བར་བྱས་ཏེ་ཁོང་ཚོས་བོད་ལྗོངས་མཆོང་རྒལ་འཕེལ་རྒྱས་དང་ཡུན་རིང་བདེ་འགོད་སྐུལ་འདེད་ཡོང་བར་ནུས་པ་དང་བྱས་རྗེས་འདོན་དུ་བཅུག་དགོས།   ལྔ་ནི་ཐོག་མཐའ་བར་གསུམ་དུ་ཁ་གཏད་རོགས་སྐྱོར་ལས་དོན་གྱི་ཉམས་མྱོང་ཕྱོགས་བསྡོམས་བྱས་པར་མཐོང་ཆེན་བྱས་ཏེ་ཁ་གཏད་རོགས་སྐྱོར་ལས་ཀའི་ཆོས་ཉིད་དམ་འཛིན་བྱས་ནས་ཁ་གཏད་རོགས་སྐྱོར་ལས་དོན་གྱི་ཆུ་ཚད་ཇེ་མཐོར་བཏང་བ་དང་།  ཁ་གཏད་རོགས་སྐྱོར་ལས་ཀས་བོད་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་སྤེལ་ཤུགས་ཆེན་གཏོང་བའི་ནུས་པ་འདོན་སྤེལ་གང་ལེགས་གཏོང་དགོས།