དང་པོ་ནི་ཐོག་མཐའ་བར་གསུམ་དུ་ཁྱོན་ཡོངས་མཐུན་སྦྱོར་རྒྱུན་བསྲིང་འཕེལ་རྒྱས་ཀྱི་བླང་བྱ་ལྟར་ཁ་གཏད་རོགས་སྐྱོར་གྱི་ཡུན་ཕན་ལམ་སྲོལ་སྒྲིག་འཛུགས་དང་འཐུས་ཚང་དུ་གཏོང་བར་མིག་རྒྱང་བསྲིངས་དགོས།  ཚན་རིག་དང་མཐུན་པའི་ཁ་གཏད་རོགས་སྐྱོར་འཆར་འགོད་གཏན་འབེབས་དང་ལག་ལེན་བྱེད་དགོས།   དཔལ་འབྱོར་དང་།   ལས་བྱེད་པ།   ཤེས་ལྡན་མི་སྣ།   སློབ་གསོ།   ཚན་རྩལ།   ཁེ་ལས་ཐད་ཀྱི་རོགས་སྐྱོར་གཅིག་གྱུར་ངང་སྐུལ་འདེད་གཏོང་དགོས།  རྒྱལ་སྲིད་སྤྱི་ཁྱབ་ཁང་གིས་ཆོག་མཆན་གནང་བའི་《ལོ་ལྔའི་འཆར་གཞི་བཅུ་གཉིས་པའི་བོད་ལྗོངས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་རྒྱབ་སྐྱོར་བྱེད་པའི་འཛུགས་སྐྲུན་རྣམ་གྲངས་འཆར་ཟིན།》མྱུར་མགྱོགས་ལག་ལེན་བཏང་བ་བཅས་བྱས་ནས་ཕྱོགས་གང་མང་དང་།   རྣམ་པ་གང་མང་།  ཁྱབ་ཁོངས་ཆེ་བའི་ཁ་གཏད་རོགས་སྐྱོར་གྱི་ལས་ཀའི་གནས་བབས་ཞིག་ཆགས་སུ་བཅུག་དགོས།   གཉིས་པ་ནི་ཐོག་མཐའ་བར་གསུམ་དུ་དམངས་འཚོ་འགན་སྲུང་དང་ལེགས་བཅོས་བྱེད་པ་དེ་ཁ་གཏད་རོགས་སྐྱོར་ལས་དོན་གྱི་ལས་འགན་ཨང་དང་པོ་ཞོག་དགོས།  མི་རྩ་བར་འཛིན་པ་རྒྱུན་འཁྱོངས་བྱས་ཏེ་མ་དངུལ་དང་རྣམ་གྲངས་སྔར་ལྷག་གིས་ཞིང་འབྲོག་ཁུལ་དང་ཞིང་འབྲོག་དམངས་ཕྱོགས་སུ་ལྟ་རྟོག་བྱེད་དགོས།   གཞི་རིམ་གྱི་ལས་བྱེད་པ་དང་མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ཇེ་ལེགས་སུ་གཏོང་བ་དང་།   སློབ་གསོ་དང་སྨན་བཅོས།  ལས་ཞུགས།