ཞིན་ཧྭ་གསར་འགྱུར་ཁང་ལྷ་ས་ནས་ཟླ་བ7པའི་ཚེས20ཉིན་འབྱོར་བའི་གཏམ་གསར།   ཀྲུང་དབྱང་རྩ་འཛུགས་པུའུ་དང་འཐབ་ཕྱོགས་གཅིག་གྱུར་པུའུ།   རྒྱལ་ཁབ་འཕེལ་རྒྱས་བཅོས་བསྒྱུར་ཨུ་ལྷན།  བོད་རང་སྐྱོང་ལྗོངས་བཅས་ཀྱིས་གོང་ཚེས་ཉིན་ལྷ་ས་རུ་བོད་ལྗོངས་ཁ་གཏད་རོགས་སྐྱོར་ལས་དོན་བཞུགས་མོལ་ཚོགས་འདུ་འཚོགས་ཏེ་ལས་ཀའི་གྲུབ་འབྲས་ལ་ཕྱོགས་བསྡོམས་བྱས་ཤིང་ཉམས་མྱོང་དང་ལས་སྟངས་བརྗེ་རེས་བྱས་པ།  རྗེས་མའི་ལས་འགན་བཀོད་སྒྲིག་གནང་བ།  བོད་ལྗོངས་རོགས་སྐྱོར་ལས་དོན་ཚན་རིག་ཅན་དང་ལམ་ལུགས་ཅན།   ཚད་ལྡན་ཅན་དུ་འགྱུར་བ་སྐུལ་འདེད་གཏོང་བ་རེད།   ལྷ་ས་རུ་བོད་ཞི་བས་བཅིངས་འགྲོལ་བཏང་ནས་ལོ60འཁོར་བའི་རྟེན་འབྲེལ་བྱེད་སྒོ་རུ་ཞུགས་པའི་ཀྲུང་དབྱང་དབུ་ཁྲིད་ཞི་ཅིན་ཕིང་གིས་ཀྲུང་དབྱང་སྐུ་ཚབ་ཚོགས་པའི་འཐུས་མི་ཡོངས་ཀྱི་སྣེ་ཁྲིད་དེ་ཚོགས་འདུར་ཞུགས་ཤིང་གསུང་བཤད་གནང་བ་རེད།
ཞི་ཅིང་ཕིང་གིས་ནན་གསུངས་གནང་དོན།  ཐེངས་འདིའི་བཞུགས་མོལ་ཚོགས་འདུ་བོད་ཞི་བས་བཅིངས་འགྲོལ་བཏང་ནས་ལོ60འཁོར་བའི་རྟེན་འབྲེལ་བྱེད་སྒོའི་དུས་སྐབས་སུ་འཚོགས་པ་ནི་ཀྲུང་དབྱང་གིས་བོད་ལྗོངས་ལ་ཁ་གཏད་རོགས་སྐྱོར་བྱས་པའི་ལས་དོན་ཡག་པོ་སྒྲུབ་པར་མཐོང་ཆེན་བྱེད་པ་མཚོན་ཐུབ་པ་རེད།   ཁ་གཏད་རོགས་སྐྱོར་ལས་དོན་ལེགས་པོར་བསྒྲུབ་པ་དོན་སྙིང་དང་འགན་འཁྲི་ཆེ་བ།  འོས་འགན་གཟི་བརྗིད་ལྡན་པ་བཅས་ཡིན་པས།   ངེས་པར་དུ་ཡུན་རིང་རྒྱུན་འཁྱོངས་དང་རྒྱུན་མཐུད་འཐུས་ཚང་གཏོང་དགོས།   ཀྲུང་དབྱང་གི་བོད་ལྗོངས་ལས་དོན་གྲོས་ཚོགས་ཐེངས་ལྔ་པའི་སྙིང་དོན་ནན་ཏན་གྱིས་ལག་བསྟར་དོན་འཁྱོལ་བཏང་སྟེ་ཧུར་བརྩོན་གྱིས་ཐོག་མཐའ་བར་གསུམ་ལྔ་རྒྱུན་འཁྱོངས་བྱེད་དགོས།