ཉེ་ལམ། མཚོ་སྔོན་ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་ནས་རྒྱུས་ལོན་བྱུང་བའི་གནས་ཚུལ་ལྟར་ན། མཚོ་སྔོན་ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་གིས་རྒྱལ་ཁབ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་དང་། རྒྱལ་ཁབ་ལྕགས་ལམ་པུའུ་ལ་ཐེངས་མང་པོར་ཡར་ཞུ་བྱས་པ་བརྒྱུད། རྒྱལ་ཁབ་ལྕགས་ལམ་པུའུ་ཡིས་སི་ཁྲོན་ཁྲིན་ཏུའུ་ནས་བོད་ལྗོངས་ཆབ་མདོ་བར་ལྕགས་ལམ་ལས་པའི་བྱ་བ་དེ་ལོ་ལྔའི་འཆར་གཞི་བཅུ་གཉིས་པའི་འཛུགས་སྐྲུན་འཆར་འགོད་ནང་འཇོག་པའི་ཐོག་མའི་འཆར་གཞི་ལ་ཆོག་མཆན་འགོད་རྒྱུ་རེད་ཟེར།
 མིག་སྔར། མཚོ་སྔོན་ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་གིས་རྒྱལ་ཁབ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་ལ་སི་ཁྲོན་ཁྲིན་ཏུའུ་ནས་བོད་ལྗོངས་ཆབ་མདོ་བར་ལྕགས་ལམ་ལས་པའི་བྱ་བར་ཤུགས་སྣོན་པའི་དུས་སྐབས་སྔོན་མའི་བྱ་བའི་སྙན་ཞུ(ཆེས་ཐོག་མའི་མ་ཡིག)ཡར་ཞུ་བྱས་པ་དང་། མཚོ་སྔོན་ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་གིས་བོད་ལྗོངས་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་དང་མཐུན་སྦྱོར་བྱས་ནས། ཟླ་བརྒྱད་པའི་ཟླ་མཇུག་བར་དུ། ཞིང་ཆེན་དང་། པུའུ། ས་ཁུལ་བཅས་ཀྱིས་མཉམ་དུ་གྲོས་འདོན་ཡི་གེ་ཡར་ཞུ་བྱེད་རྒྱུ་ཡིན་ལ། ད་ལོའི་ལོ་མཇུག་གི་སྔོན་ལ་ལས་གཞི་དེར་ཆོག་མཆན་འགོད་ཐུབ་རྒྱུ་རེད། དེ་དང་ཆབས་ཅིག་ཀྲུང་གོ་ལྕགས་ལམ་སྡེ་ཚོགས་གཉིས་པས་སི་ཁྲོན་གཡག་རྔ་ནས་བོད་ལྗོངས་ཆབ་མདོ་བར་ལྕགས་ལམ་ལས་པའི་དུས་རིམ་སྔོན་མའི་ཞིབ་འཇུག་སྒྲིག་བཟོ་བྱ་བ་ལས་བཞིན་པའི་སྒང་ཡིན་ལ། འཆར་གཞི་དེ་ཟླ་འདིའི་ནང་ལེགས་འགྲུབ་བྱུང་ནས་རྒྱལ་ཁབ་ལྕགས་ལམ་པུའུ་ལ་ཡར་ཞུ་བྱེད་རྒྱུ་རེད་ཟེར།