ཅ་ཆིང་ལིན་གྱིས་སྲིད་གྲོས་རྒྱུན་ལས་ཨུ་ལྷན་གྱི་ལས་ཀའི་སྙང་སེང་ཞུས་ཤིང་། ཝང་ཀྲི་ཀྲེང་གིས་གྲོས་གཞི་ལས་ཀ་སྤེལ་ཚུལ་གྱི་སྙན་སེང་ཞུས་པ།  ཝང་ཀང་གིས་ཚོགས་ཆེན་གྱི་གཙོ་འགན་བཞེས་པ།
ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ3པའི་ཚེས3ཉིན་གྱི་གློག་འཕྲིན་འབྱོར་གསལ།  གོང་ཚེས་ཉིན་གྱི་ཕྱི་དྲོར་ཀྲུང་གོ་མི་དམངས་སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཞི་པ་དེ་པེ་ཅིན་མི་དམངས་ཚོགས་ཁང་ཆེན་མོར་ཚོགས་འགོ་ཚུགས།  ཕྱིན་ཆད་ཀྱི་ཉིན10ཡི་ནང་།   ཏང་ཤོག་ཚོགས་པ་ཁག་དང་མི་རིགས་སོ་སོ་ནས་ཡོང་བའི་རྒྱལ་ཡོངས་སྲིད་གྲོས་ཨུ་ཡོན་རྣམས་ཀྱིས་ལོ་ལྔའི་འཆར་གཞི་བཅུ་གཉིས་པའི་འཆར་འགོད་རྩ་གནད་ཀྱི་འཆར་ཟིན་དང་འབྲེལ་ཡོད་སྙན་སེང་ལ་དམིགས་ཤིང་།  རྒྱལ་ཇུས་དམངས་འཚོ་དང་འབྲེལ་བའི་གལ་འགངས་ཆེ་བའི་གནད་དོན་ལ་དམིགས་ཏེ་འགན་ནུས་ལག་བསྟར་ནན་པོ་བྱ་རྒྱུ་དང་། བསམ་འཆར་དང་གྲོས་གཞི་ཧུར་ཐག་འདོན་རྒྱུ་རེད།
རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཅ་ཆིང་ལིན་དང་།  རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་ཝང་ཀང་དང་།  ལིའོ་ཧུའེ།  ཏུའུ་ཆིང་ལིན་སོགས་ཀྲུའུ་ཞི་ས་སྟེགས་བུའི་ཐོག་བཞུགས་ཡོད། 
ཏང་དང་རྒྱལ་ཁབ་ཀྱི་དབུ་ཁྲིད་པ་ཧུའུ་ཅིན་ཐའོ་དང་།  ཝུའུ་པང་གོ   ཝུན་ཅ་པའོ།  ལི་ཁྲང་ཁྲུན།  ཞི་ཅིན་ཕིང་།   ལི་ཁེ་ཆང་།  ཧོ་གོ་ཆང་།  ཀྲའོ་ཡུང་ཁང་བཅས་ཚོགས་ཆེན་ནང་ཞུགས་ཤིང་ཆོགས་ཆེན་འཚོགས་པར་རྟེན་འབྲེལ་ཞུས་པ། 
རྒྱལ་ཡོངས་སྲིད་གྲོས་སྐབས་བཅུ་གཅིག་པའི་གྲོས་ཚོགས་ཐེངས་བཞི་པར་ཞུགས་དགོས་པའི་ཨུ་ཡོན2260ཡིན། དངོས་སུ་འབྱོར་བའི་ཨུ་ཡོན2182ཡིན་པས།  ཁྲིམས་བཀོད་མི་གྲངས་དང་མཐུན་པ། 
ཕྱི་དྲོའི་ཆུ་ཚོད་གསུམ་ཐོག་ཝང་ཀང་གིས་ཚོགས་ཆེན་ཚོགས་འགོ་ཚུགས་པ་ཞེས་ཁྱབ་བསྒྲགས་གནང་རྗེས་ཚོགས་ཞུགས་བྱེད་མཁན་ཐམས་བཅད་ཨར་ལངས་ཏེ་རྒྱལ་གླུ་བླངས་པ།
ཚོགས་ཆེན་ཐོག་དང་ཐོག་སྲིད་གྲོས་སྐབས་བཅུ་གཅིག་རྒྱལ་ཡོངས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཞི་པའི་གྲོས་རིམ་གྲོས་ཞིབ་བྱས་ནས་གྲོས་འཆམ་བྱས་ཡོད། 
ཅ་ཆིང་ལིན་གྱིས་སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཁང་གི་ཚབ་ཞུས་ནས་ཚོགས་ཆེན་ལ་སྙན་སེང་ཞུས་པ།