ཟོག་གོང་བརྟན་སྲུང་དང་ཡོང་འབབ་སྤར་བ།སྡོད་ཁང་འགན་ལེན་།ལས་ཞུགས་ལ་སྐུལ་འདེད་གཏོང་བ་བཅས་བྱེད་དགོས།
ཧུའུ་ཅིན་ཐའོ་དང་ཝུན་ཅ་པའོ།ཅ་ཆིང་ལིན་།ལི་ཁྲང་ཁྲུན།ཞི་ཅི་ཕིང་།།ལི་ཁེ་ཆང་།ཧོ་གོ་ཆང་།ཀྲོའུ་ཡུང་ཁང་སོགས་ཀྲུའུ་ཞི་སྟེགས་བུའི་ཐོག་བཞུགས་ཡོད།ཝུའུ་པང་གོས་གྲོས་ཚོགས་ཀྱི་གཙོ་འགན་བཞེས།  ཝུན་ཅང་པའོ་ཡིས་སྲིད་གཞུང་ལས་ཀའི་སྐོར་སྙན་སེང་ཞུས།
ཞིན་ཧྭ་གསར་འགྱུར་ཁང་པེ་ཅིན་ནས་འབྱོར་བའི་གཏམ་གསར།  སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་བཞི་པ་དེ་ཚེས5ཉིན་གྱི་སྔ་དྲོར་མི་དམངས་ཚོགས་ཁང་ཆེན་པོའི་ནང་འཚོགས་འགོ་ཚུགས།ཧུའུ་ཅིན་ཐའོ་དང་ཝུན་ཅ་པའོ།ཅ་ཆིང་ལིན་།ལི་ཁྲང་ཁྲུན།ཞི་ཅི་ཕིང་།།ལི་ཁེ་ཆང་།ཧོ་གོ་ཆང་།ཀྲོའུ་ཡུང་ཁང་སོགས་དང་ཚོགས་ཆེན་གྱི་ཀྲུའུ་ཞི་ཚོགས་པའི་གྲུབ་མི་རྣམས་ཀྲུའུ་ཞི་སྟེགས་བུའི་ཐོག་བཞུགས་ཡོད།ཝུའུ་པང་གོས་གྲོས་ཚོགས་ཀྱི་གཙོ་འགན་བཞེས།རྒྱལ་སྲིད་སྤྱི་ཁྱབ་ཁང་གི་ཙུང་ལི་ཝུན་ཅ་པའོ་ཡིས་རྒྱལ་སྲིད་སྤྱི་ཁྱབ་ཁང་གི་ཚབ་ཞུས་ནས་ཚོགས་ཆེན་ལ་སྲིད་གཞུང་ལས་དོན་སྐོར་གྱི་སྙན་སེང་ཞུས།
ཁོང་གིས་གསུངས་དོན།ད་ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གཙོ་བོའི་སྔོན་དཔག་དམིགས་འབེན་ནི་རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་བརྒྱ་ཆ8ཡས་མས་སུ་འཕར་བ་དང་དཔལ་འབྱོར་ཆགས་ཚུལ་སྔ་ལས་ལྷག་པར་བཟང་སྒྲུག་བྱེད་ཅིང་། སྡོད་དམངས་ཀྱི་འཛད་སྤྱོད་རིན་གོང་སྤྱིའི་འཕར་ཚད་དེ་བརྒྱ་ཆ4ཡས་མས་སུ་ཚོད་འཛིན་ཐུབ་དགོས་པ་དང་།གྲོང་རྡལ་གྱི་ལས་ཞུགས་མི་གྲངས་ཁྲི900ཡན་ཆད་གསར་བསྣན་ཏེ་གྲོང་རྡལ་གྱི་ཐོ་འགོད་པའི་ལས་ཀ་ཤོར་ཚད་བརྒྱ་ཆ4.6ནང་ཚུན་ཚོད་འཛིན་བྱེད་དགོས།  རྒྱལ་སྤྱིའི་གཏོང་ཡོང་གནས་ཚུལ་མུ་མཐུད་ནས་ལེགས་སུ་གཏོང་དགོས།སྙན་ཞུའི་ནང་ཝུན་ཅ་པའོ་ཡིས་ལོ་ལྔའི་འཆར་གཞི་བཅུ་གཅིག་པའི་སྐབས་ཀྱི་རྒྱལ་ཡོངས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཕྱིར་མིག་བལྟས་པ་དང་འདས་ཟིན་པའི་ལོ་ལྔའི་ལས་ཀའི་ནང་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་།ཁོང་གིས་ད་དུང་ལོ་ལྔའི་འཆར་གཞི་བཅུ་གཉིས་པའི་སྐབས་ཀྱི་དམིགས་འབེན་དང་ལས་འགན་གཙོ་བོར་སྙན་སེང་ཞུ་བར་སྟེ།དཔལ་འབྱོར་འཕེལ་རྒྱས་ལ་སྐུལ་འདེད་བཏང་ནས་སྐས་རིམ་གསར་པ་ཞིག་གི་ཐོག་སླེབས་པ་བྱེད་དགོས། ཕྱིན་ཆད་ཀྱི་ལོ་ལྔའི་ནང་རང་རྒྱལ་གྱི་དཔལ་འབྱོར་འཕར་སྣོན་གཏོང་རྒྱུའི་སྔོན་དཔག་གི་དམིགས་འབེན་ནི་སྤུས་ཚད་དང་ཁེ་ཕན་མངོན་གསལ་དུ་མཐོ་རུ་གཏོང་བའི་རྨང་གཞིའི་ཐོག་ཆ་སྙོམས་ལོ་རེར་བརྒྱ་ཆ7འཕར་སྣོན་གཏོང་ཞིང་།2010ལོའི་རིན་གོང་ལྟར་བརྩིས་ན2015ལོར་སླེབས་དུས་རྒྱལ་ནང་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་ཁྲི55ལས་བརྒལ་ཐུབ་རྒྱུ་རེད།དཔལ་འབྱོར་འཕེལ་རྒྱས་བྱེད་སྟངས་སྒྱུར་རྒྱུ་དང་དཔལ་འབྱོར་ཆགས་ཚུལ་ལེགས་སྒྲིག་བྱ་རྒྱུར་མགྱོ གས་སུ་གཏོང་དགོས།སྤྱི་ཚོགས་བྱ་གཞག་འཕེལ་རྒྱས་ཤུགས་ཆེན་གཏོང་དགོས།ཐོན་ཁུངས་གྲོན་ཆུང་དང་ཁོར་ཡུག་སྲུང་སྐྱོང་ལས་ཀར་སྐུལ་འདེད་ཏན་ཏིག་གཏོང་ཞིང་།ཁྱོན་ཡོངས་ནས་མི་དམངས་ཀྱི་འཚོ་བ་ལེགས་སུ་གཏོང་བ་དང་བཅོས་བསྒྱུར་སྒོ་འབྱེད་ཇེ་ཟབ་ཏུ་གཏོང་བ།ཟམ་མི་ཆད་པར་སྲིད་གཞུང་གི་རང་ཉིད་ཀྱི་བཅོས་བསྒྱུར་འཛུགས་སྐྲུན་ལ་ཤུགས་སྣོན་རྒྱག་དགོས།
ད་ལོར་གཙོ་གནད་གཤམ་གྱི་ཕྱོགས་བཅུའི་ལས་ཀར་ཡག་མོ་སྒྲུབ་དགོས་པར་སྟེ།སྤྱིའི་ཟོག་གོང་གི་ཆུ་ཚད་ཕལ་ཆེར་བརྟན་སྲུང་བྱ་དགོས།སྔར་ལྷག་གིས་ནང་མཁོ་རྒྱ་སྐྱེད་གཏོང་དགོས་ཤིང་།ཁྱད་པར་དུ་སྡོད་དམངས་ཀྱི་འཛད་སྤྱོད་མཁོ་དགོས་རྒྱ་སྐྱེད་གཏོང་དགོས།ཞིང་ལས་ཀྱི་རྨང་གཞིའི་གནས་ཐང་སྲ་བརྟན་དུ་གཏོང་བ་དང་ཤུགས་སྣོན་རྒྱག་དགོས།དཔལ་འབྱོར་ཆགས་ཚུལ་ལ་འཐབ་ཇུས་རང་བཞིན་གྱི་ལེགས་སྒྲིག་བྱ་རྒྱུར་མགྱོ གས་སུ་སྐུལ་འདེད་གཏོང་དགོས།ཚན་རིག་སློབ་གསོར་བརྟེན་ནས་རྒྱལ་ཁབ་དར་དར་རྒྱས་གཏོང་བའི་འཐབ་ཇུས་དང་ཤེས་ལྡན་མི་སྣར་བརྟེན་ནས་རྒྱལ་ཁབ་དར་རྒྱས་གཏོང་བའི་འཐབ་ཇུས་ལག་བསྟར་ཤུགས་ཆེན་བྱེད་དགོས།  སྤྱི་ཚོགས་འཛུགས་སྐྲུན་ལ་ཤུགས་སྣོན་དང་དམངས་འཚོ་ལེགས་སུ་གཏོང་རྒྱུར་འགན་ལེན་བྱེད་དགོས།རིག་གནས་འཛུགས་སྐྲུན་ལ་ཤུགས་སྣོན་ཤུགས་ཆེན་གཏོང་དགོས། གཙོ་གནད་ཁྱབ་ཁོངས་ཀྱི་བཅོས་སྒྱུར་སྐུལ་ཟབ་སྤེལ་གཏོང་དགོས།སྔར་ལྷག་གིས་ཕྱིར་ཕྱོགས་སུ་སྒོ་འབྱེད་ཀྱི་ཆུ་ཚད་མཐོ་རུ་གཏོང་དགོས།སྲིད་གཙང་འཛུགས་སྐྲུན་དང་རུལ་སུངས་ལ་ངོ་རྒོལ་གཏོང་ བའི་ལས་ཀར་ཤུགས་སྣོན་རྒྱག་དགོས།
གྲོས་ཚོགས་ཀྱི་གྲོས་རིམ་ལ་གཞི་བཟུང་ནས་ཚོགས་ཆེན་གྱིས་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་བཅུ་གཉིས་པའི་འཆར་འགོད་རྩ་གནད་ཀྱི་འཆར་ཟིན་དང2010ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་རྒྱུའི་འཆར་གཞི་ལག་བསྟར་བྱས་ཚུལ་དང2011ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞིའི་འཆར་ཟིན་སྐོར་གྱི་སྙན་ཞུ།2010ལོའི་ཀྲུང་དབྱང་དང་ས་གནས་སྔོན་རྩིས་ལག་བསྟར་བྱས་ཚུལ་དང2011ལོའི་ཀྲུང་དབྱང་དང་ས་གནས་སྔོན་རྩིས་འཆར་ཟིན་སྐོར་གྱི་སྙན་ཞུ་དཔར་འགྲེམ་བྱས་ནས་ཞིབ་བཤེར་བྱས་ཤིང་།ཆོག་མཆན་འགོད་རྒྱུར་ཕུལ་བ་རེད།
ཀྲུའུ་ཞི་སྟེགས་བུའི་ཐོག་ད་དུང་ཝང་ཀང་དང་ཝང་ལེ་ཆོན་ཝང་ཆི་ཧྲན།ཧུའེ་ལའང་ཡུས་སོགས་བཞུགས།
ཤང་ཀང་དམིགས་བསལ་སྲིད་འཛིན་ས་ཁུལ་གྱི་སྲིད་འཛིན་འགོ་དཔོན་ཙེང་དབྱིན་ཆོན་དང་ཨའོ་མོན་དམིགས་བསལ་སྲིད་འཛིན་ས་ཁུལ་གྱི་སྲིད་འཛིན་འགོ་དཔོན་ཚུའེ་ཧྲི་ཨན་གྲོས་ཚོགས་ནང་ཟུར་ཞུགས་བྱས།
ཀྲུང་དབྱང་དང་རྒྱལ་ཁབ་ལས་ཁུངས་ཀྱི་འབྲེལ་ཡོད་སྡེ་ཁག་དང་བཅིངས་འགྲོལ་དམག་དང་དྲག་ཆས་ཉེན་རྟོག་དཔུང་སྡེ།མི་དམངས་ཚོགས་པ་སོ་སོའི་འབྲེལ་ཡོད་འགན་ཁུར་པ་ཚོ་གྲོས་ཚོགས་ནང་ཟུར་ཞུགས་དང་ཟུར་ཉན་བྱས།
རྒྱལ་ཁབ་སོ་སོའི་ཀྲུང་གོ་རུ་བཅའ་སྡོད་གཞུང་ཚབ་ཆེན་མོའི་འཐུས་ཚབ་རྣམས་གྲོས་ཚོགས་ནང་ཞུགས་ནས་ཟུར་ཉན་བྱས།