ཟླ2པའི་ཚེས28ཉིན། ཀོང་ཞི་ལིའུ་ཀྲོའུ་ལིའུ་ཁྲེན་རྫོང་ཐེན་ཕིང་གྲོང་རྡལ་ཇིང་ཐའེ་གྲོང་ཚོས་བུར་ཤིང་རྨོ་པ་དེ་ལས་ཡུལ་དངོས་སུ་མིག་དཔེ་སྟོན་པ་རེད།ས་གནས་དེ་གའི་བུར་ཤིང་རྨོ་པའི་ཞིང་པ་རྣམས་འགྱིག་ཁེབས་འཕྲུལ་ཆས་སྤྱོད་ནས་འཕེལ་རིམ་གསལ་སྟོན་བྱེད་པར་ལྟད་མོར་ཡོང་།
     ཉིན་དེར། ཀོང་ཞི་ལིའུ་ཀྲོའུ་ལིའུ་ཁྲེན་རྫོང་ཐེན་ཕིང་གྲོང་རྡལ་ཇིང་ཐའེ་གྲོང་ཚོས་བུར་ཤིང་རྨོ་པ་དེ་ལས་ཡུལ་དངོས་ཀྱི་ཚོགས་འདུ་འཚོགས་པ་ལ་གྲོང་གསེབ་དང་གྲོང་རྡལ་མང་པོའི་མང་ཚོགས་རྣམས་ཡིད་དབང་འཕྲོག་སྟེ་ཚོགས་འདུ་ལ་ཞུགས་པ་རེད། ལས་ཡུལ་དངོས་ཀྱི་ཚོགས་འདུ་རུ། ཚན་རྩལ་མི་སྣས་མངར་ཆའི་བུར་ཤིང་གི་རིགས་གསར་པ་ཁྱབ་གདལ་དུ་བཏང་བ་དང་རྨོ་འདེབས་བྱེད་པའི་ལག་རྩལ་སློབ་ལ། སོན་འདེབས་འཕྲུལ་འཁོར་དང་ས་སྣོན་རྒྱག་པའི་འཕྲུལ་འཁོར། འགྱིག་ཁེབས་འཕྲུལ་འཁོར། ཟབ་རྨོ་འཕྲུལ་འཁོར་བཅས་ཞིང་ལས་འཕྲུལ་ཆས་དེ་ལས་ཡུལ་དངོས་སུ་བཀོལ་སྤྱོད་བྱེད་པ་རེད། ཤེས་རྟོགས་བྱུང་བར་གཞིགས་ན། ཀོང་ཤིན་ནི་རྒྱལ་ཡོངས་སུ་རྒྱ་ཁྱོན་ཆེས་ཆེ་བའི་མངར་ཆའི་བུར་ཤིང་ཐོན་ཁུལ་ཡིན་ལ་མངར་ཆའི་བུར་ཤིང་སྤྱིའི་ཐོན་ཚད་རྒྱལ་ཡོངས་ཀྱི་བརྒྱ་ཆ50ཡན་ལ་ཟིན་པ་རེད།